કિસ હંમેશાં પ્રેમનું પ્રતીક માનવામાં આવ્યું છે પરંતુ શું તમે જાણો છો કે કિસ કરવાથી પણ રોગ થઈ શકે છે?
આજે આંતરરાષ્ટ્રીય ચુંબન દિવસ
કિસ કરવાથી થઇ શકે છે રોગ
ચુંબન કરતા પહેલા રાખજો ધ્યાન
કિસ કરવાથી થઈ શકે છે સેક્શુઅલી ટ્રાન્સમીટેડ ઈંફેકશન
સમગ્ર વિશ્વમાં 6 જુલાઈએ ઇન્ટરનેશનલ કિસિંગ ડેની ઉજવણી કરવામાં આવે છે. આ દિવસે કપલ્સ કિસ કરીને એક બીજા પ્રત્યે પોતાનો પ્રેમ વ્યક્ત કરે છે. કિસ હંમેશાં પ્રેમનું પ્રતીક માનવામાં આવ્યું છે પરંતુ શું તમે જાણો છો કે કિસ કરવાથી પણ સેક્શુઅલી ટ્રાન્સમીટેડ ઈંફેકશન (STIs) થઈ શકે છે. કિસ કરતી વખતે પણ સાવચેતી રાખવી જરૂરી છે.
હર્પીસ
હર્પીસ સીલ્પ્લેક્સ વાયરસના કારણે થતો સંક્રામક રોગ છે. આ ગંભીર રોગ એક બીજી વ્યક્તિના સંપર્કથી સ્કીનમાં ઝડપી રીતે ફેલાય છે. હર્પીસનું સંક્રમણ બે રીતે ફેલાય છે. હર્પીસનો પહેલો પ્રકાર HSV-1 છે જેને ઓરલ હર્પીસ પણ કહેવાય છે. ઓરલ હર્પીસ કિસના કારણે ઝડપથી ફેલાય છે. ઓરલ હર્પીસનું સૌથી સામાન્ય લક્ષણ મોઢામાં અથવા જનનાંગો પર નાની સફેદ અથવા લાલ ફોડલી છે. કેટલીક વખત ફોડલીમાંથી લોહી પણ નીકળી શકે છે. કિસ કરતી સમયે આ વાયરસ એક વ્યક્તિથી બીજા વ્યક્તિમાં સંક્રમિત થાય છે. આ ઉપરાંત કોઈ લક્ષણ વગર પણ આ વાયરસ ઝડપથી ફેલાઈ શકે છે. હર્પીસનો બીજો પ્રકાર HSV-2 છે, જેને જેનિટેલ હર્પીસ પણ કેહવાય છે. જોકે આ ગંભીર રોગ સેક્શુઅલ સંપર્કથી ફેલાય છે પરંતુ આ રોગ કિસના માધ્યમથી ફેલાવાની પણ શક્યતા છે. HSV-2ના લક્ષણ પણ HSV-1 જેવા છે. આ બંને હર્પીસની સારવાર સંપૂર્ણ રીતે શક્ય નથી. જો તમારી ઈમ્યુન સીસ્ટમ મજબુત છે તો સારવાર થઇ શકશે.
સાઇટોમેગાલો વાયરસ
સાઇટોમેગાલો વાયરસ (CMV) એક વાયરલ સંક્રમણ છે. તે લાળના સંપર્કમાં અવાથી થઇ શકે છે. આ સિવાય તે લોહી, વીર્ય અથવા સ્તન દ્વારા પણ ફેલાય છે. તેને સેક્શુઅલી ટ્રાન્સમીટેડ ઈંફેકશન એટલા માટે કહેવામાં આવે છે કેમકે તે ઓરલ અને જનનાંગના સંપર્કથી ફેલાય છે. થાક, ગાળામાં દુઃખાવો, તાવ અને શરીરમાં દુખાવો સાઇટોમેગાલોવાયરસના મુખ્ય લક્ષણો છે. જો તમારું ઈમ્યુન સીસ્ટમ નબળું હોય તો સાઇટોમેગાલોવાયરસ તો તે શરીર પર ખુબ જ ખરાબ અસર કરે છે અને તેની સારવાર સંપૂર્ણ રીતે શક્ય નથી.
સિફલિસ
સિફલિસ એક પ્રકારનો બેકટેરીયલ ઈંફેકશન છે જે સામાન્ય રીતે કિસથી ફેલાય છે. આ ઈંફેકશન ઓરલ અથવા જેનિટલ સેક્સના માધ્યમથી ફેલાય છે. સિફલિસથી મોઢામાં ઘા થઇ જાય છે. કિસ કરવાથી અ બેક્ટેરિયા એકથી બીજી વ્યક્તિના મોઢામાં પ્રવેશે છે. ડીપ અથવા ફ્રેંચ કિસથી આ ઈંફેકશન ફેલાવાનું જોખમ વધારે છે. જો શરૂઆતના સમયમાં તેની સારવાર ન કરવામાં આવે તો ભવિષ્યમાં તે ગંભીર રૂપ ધારણ કરી શકે છે. તાવ, માથાનો દુખાવો, માનસિક રોગ, લીમ્ફ નોડમાં ગાંઠ, હેરફોલ, શરીરમાં દુખાવો, થાક, અસામાન્ય ફોલ્લીઓ, પિમ્પલ્સ અથવા મસો, નજર નબળી થઇ જવી, હૃદય નબળું થઇ જવું, બ્રેન ડેમેજ તેના મુખ્ય લક્ષણો છે. સિફલિસની સારવાર એન્ટીબાયોટિક દવાઓથી કરી શકાય છે.