આંતરરાષ્ટ્રીય બજારના આધારે આજે બીજા દિવસે પણ દિલ્હીના કોમોડિટી માર્કેટમાં સોના-ચાંદીની કિંમતોમાં વધારો જોવા મળ્યો છે. ગુરુવારે સોનાના 10 ગ્રામનો ભાવ 232 રૂપિયા વધ્યો છે.
જ્યારે બીજી બાજુ ચાંદીની કિંમતની વાત કરીએ તો 1275 રૂપિયા પ્રતિ કિલોગ્રામ વધ્યો છે. આંતરરાષ્ટ્રીય બજારમાં બંનેના ભાવમાં આજે તેજી જોવા મળી હતી.
સોનાની નવી કિંમત - Gold Price on 09 July 2020
કોરોના વાયરસ મહામારીને લઈને વધતી અનિશ્ચિતતાની વચ્ચે આજે સોનાનો ભાવ 232 રૂપિયા પ્રતિ 10 ગ્રામ વધ્યો જેના બાદ નવો ભાવ હવે 50184 રૂપિયા થઈ ગયો છે. આ અગાઉ ગઈ કાલે એટલે કે બુધવારે સોનાનો ભાવ 49952 રૂપિયા રહ્યો હતો. આંતરરાષ્ટ્રીય બજારમાં સોનાનો ભાવ વધીને 1813 ડૉલર પ્રતિ ઔંસ પર પહોંચી ગયો છે.
ચાંદીનો નવો ભાવ - Silver Price on 09 July 2020
સોના ઉપરાંત આજે દિલ્હીના બુલિયન માર્કેટમાં ચાંદીની કિંમતોમાં પણ મોટો ઉછાળો નોંધાયો છે. આજે ચાંદી 1275 રૂપિયા પ્રતિ કિલોએ મોંઘી થઈને 52930 રૂપિયા પર પહોંચી છે. બુધવારે ચાંદીનો ભાવ 51655 રૂપિયા હતો. આંતરરાષ્ટ્રીય બજારમાં ચાંદીનો ભાવ 18.94 ડૉલર પ્રતિ ઔંસ પર પહોંચ્યો છે.
આ છે તેજી પાછળનું કારણ
વધતાં જતાં સોનાના ભાવને લઈને નિષ્ણાતોનું માનવું છે કે આંતરાષ્ટ્રીય મુદ્રા કોષ (IMF)ના વૈશ્વિક ગ્રોથનું અનુમાન ઘટાડી દેવાયું છે અને કહ્યું છે કે હાલની મહામારીને કારણે દુનિયાભરની અર્થવ્યવસ્થાની હાલત ખૂબ ખરાબ અને ચિંતાજનક થશે. IMFના અનુમાન મુજબ 2020માં વૈશ્વિક અર્થવ્યવસ્થામાં 4.9 ટકાનો ઘટાડો આવશે. આ કારણ છે કે સોનાની કિંમતોમાં સતત તેજી જોવા મળી રહી છે.