પુણા, અમરોલી, ડીંડોલી, અઠવા, હજીરા, જહાગીરપુરાના PI બદલાયા, DCB અને ટ્રાફિક શાખાના PIની પણ બદલી કરાઈ
સુરત શહેરના 10 પોલીસ ઈન્સપેક્ટરની બદલી
પોલીસ કમિશનર અજયકુમાર તોમરે કરી આંતરિક બદલી
10 પોલીસ ઈન્સ્પેકટરને અપાયા બદલીના ઓર્ડર
ઘણા સમયથી પોલીસ બેડામાં બદલીની મોસમ ચાલી રહી છે. ચૂંટણી પહેલા મોટા અધિકારીઑથી માંડી તમામ પોલીસ સ્ટાફની એક બાદ એક બદલી કરવામાં આવી રહી છે. ત્યારે સુરત શહેરના 10 પોલીસ ઈન્સપેક્ટરની આંતરિક બદલીના ઓર્ડર ફાટ્યા છે.
કયા કયા પોલીસ સ્ટેશનના PIની બદલી
એક જ જગ્યાએ 3 વર્ષ કે તેથી વધુ સમય થયો હોય અથવા તો કોઈ વહીવટી કારણો આગળ ધરી એક સાથે 10 પોલીસ ઈન્સપેક્ટરની બદલીના ઓર્ડર સુરત પોલીસ કમિશનર અજયકુમાર તોમરે આપી દીધા છે.પુણા, અમરોલી, ડીંડોલી, અઠવા, હજીરા, જહાગીરપુરાના PI બદલાયા છે. કંટ્રોલરૂમ, ઇકો સેલ, સ્પેશિયલ બ્રાંચના PIની પણ બદલી કરી દેવામાં આવી છે. DCB અને ટ્રાફિક શાખાના PIનું પણ ટ્રાન્સફર થઈ ગયું છે. અવાનાર સમયમાં હજુ પણ વધુ આંતરિક બદલીઓ થશે તેવા વરતારા છે.
ગુજરાત પોલીસમાં બદલીનો દોર..
ગત મહિનાની 6 એપ્રિલના રોજ ગુજરાતના DGPએ તાત્કાલિક ઓર્ડર કરી અલગ અલગ જિલ્લાના 43 પોલીસ ઇન્સ્પેક્ટરોને ટ્રાન્સફર કરી દીધા હતા. મહત્વનું છે કે આ બદલી એ PI માટે કરવામાં આવી છે જે સતત 3 વર્ષ કે તેથી વધુ તે જિલ્લામાં ફરજ બજાવતા હતા કે પછી જાહેરહિતના અર્થે તેમની બદલી થઈ છે. આવી જ રીતે હવે આગળના સમયમાં પોલીસ સબ ઈન્સ્પેકટરની બદલીનો પણ અંદેશો વ્યક્ત કરવામાં આવ્યો છે. મહત્વનું છે કે ગત 1 એપ્રિલના રોજ 88 PIની પણ બદલી કરવામાં આવી હતી.
આ પહેલા 57 IPS અધિકારીની બદલી, 20 IPSની બઢતી સાથે બદલીના આદેશ કર્યા હતા
2 એપ્રિલના રોજ ગુજરાતનાં પોલીસ બેડામાં ચૂંટણી પહેલા મોટા ફેરફાર કરવામાં આવ્યા હતો. રાજ્યમાં એક ઝાટકે 77 IPS અધિકારીઓની બદલી અથવા બઢતી સાથે બદલી કરવામાં આવી છે. રાજ્યમાં હાલમાં મહિલાઓ સામેના ક્રાઇમ સતત વધી રહ્યા છે જેના કારણે લોકોમાં પણ ભારે આક્રોશ છે એવામાં ટોપના પોલીસ અધિકારીઓના ટ્રાન્સફરના આદેશ આપવામાં આવ્યા હતા જેમાં લીના પટેલ, જયપાલ સિંગ રાઠોડ અને નિર્લિપ્ત રૉય જેવા મોટા નામ પણ સામેલ હતા. નોંધનીય છે કે જ્યપાલ સિંહ રાઠોડને જ્યાં રાજકોટના SP બનાવવામાં આવ્યા છે ત્યારે તરુણ દુગ્ગલને ગાંધીનગરની જવાબદારી આપવામાં આવી છે. આ સિવાય અમરેલીના SP નિર્લિપ્ત રૉયને ગાંધીનગરમાં સ્ટેટ મોનીટરીંગ સેલના SP બનાવવામાં આવ્યા છે. આ સિવાય મયંકસિંહ ચાવડાને IBના SP બનાવાયા છે. આ સાથે જ અમરેલી, મોરબી, વડોદરામાં પણ SPની બદલી કરવામાં આવી છે.