ભાજપમાં ભૂજ તાલુકા પંચાયત પ્રમુખ પદને લઇને આંતરિક વિવાદ કાર્યકરો આવ્યા સામ-સામે

કચ્છ: ભૂજ જિલ્લા ભાજપમાં જૂથવાદ એ કંઇ નવી વાત નથી ભુજ તાલુકા પંચાયતના પ્રમુખ પદ માટે આંતરિક વિવાદ જોવા મળ્યો છે. વિવાદીત યુવા નેતાઓનું નામ પ્રમુખ પદ માટે ચર્ચાતા કાર્યકરોમાં નારાજગી જોવા મળી છે. જેના કારણે કચ્છના ભાજપના મોટા નેતાઓ વચ્ચે પણ ખેંચતાણ સર્જાઈ છે.

ઉલ્લેખનીય છે કે ભુજ તાલુકા પંચાયતની 20મીએ ચૂંટણી છે. જેને લઇને પ્રમુખ અને ઉપપ્રમુખની દાવેદારી નોંધાઇ રહી છે. ત્યારે વિવાદીત યુવા નેતાઓના નામ પ્રમુખ પદ માટે ચર્ચાતા નારાજગીનો ગણગણાટ છે. ભૂજ જિલ્લા પંચાયતના પ્રમુખ-ઉપપ્રમુખનું કોકડું પણ ગૂંચવાયેલું છે. 



ત્યારે કચ્છની તાલુકા પંચાયતોની સત્તા સોંપણીની ચર્ચા માટે ગાંધીનગર ખાતે મળેલી ભાજપની પાર્લામેન્ટરી સમિતિની બેઠકમાં આંતરિક વિખવાદ સપાટીએ આવ્યો પહોંચ્યો છે.જીતુ વાઘાણીની આગેવાનીમાં મળેલી આ બેઠકમાં દાવેદારોના તરફદારો ખુલ્લીને સામસામે આવી ગયા હતા.