જે દેશોમાંથી કોરોના વાયરસનો નવો વેરિયન્ટ મળી આવ્યો છે તે દેશોમાં ફ્લાઇટ્સ બેન લગાવવો કે નહીં તે મુદ્દે કેન્દ્ર સરકારના ગૃહમંત્રાલય, સ્વાસ્થ્ય મંત્રાલય અને ઉડ્ડયન મંત્રાલય વચ્ચે હાઇલેવેલ મીટિંગ થઈ છે.
કોરોના વાયરસનો વેરિયન્ટ આવ્યો
ભારત સરકારની એક બાદ એક તાબડતોબ બેઠકો
જાહેર થઈ શકે છે ગાઈડલાઇન
કોરોના વાયરસનાં નવા વેરિયન્ટ કારણે આખી દુનિયામાં ખળભળાટ મચી ગયો છે. દુનિયાભરમાં અલગ અલગ જગ્યાએ ઈમરજન્સી લગાવવામાં આવી છે. વિશ્વ સ્વાસ્થ્ય સંગઠનનું ટેન્શન પણ વધી ગયું છે કારણ કે આ વેરિયન્ટ ડેલ્ટા વેરિયન્ટ કરતાં પણ ખૂબ ઝડપથી ફેલાઈ રહ્યો છે. એવામાં હવે ભારત સરકાર તાબડતોબ એક્શનમાં આવી છે. એક બાજુ આજે પ્રધાનમંત્રી મોદીએ હાઇલેવલ બેઠક કરી હતી ત્યાં કેન્દ્રના અલગ અલગ મંત્રાલય પણ એક્શન મોડમાં કામ કરી રહ્યા છે.
જે દેશોમાંથી કોરોના વાયરસનો નવો વેરિયન્ટ મળી આવ્યો છે તે દેશોમાં ફ્લાઇટ્સ બેન લગાવવો કે નહીં તે મુદ્દે કેન્દ્ર સરકારના ગૃહમંત્રાલય, સ્વાસ્થ્ય મંત્રાલય અને ઉડ્ડયન મંત્રાલય વચ્ચે હાઇલેવેલ મીટિંગ થઈ છે. આ મીટિંગ બાદ શક્યતા છે કે ટૂંક જ સમયમાં ભારતમા કોરોના વાયરસનાં નવા વેરિયન્ટને લઈને ગાઈડલાઈન જાહેર કરવામાં આવી શકે છે.
સૂત્રો અનુસાર ભારત સરકાર કડક મોનીટરીંગ કરવાના પક્ષમાં હોવાનું માનવામાં આવી રહ્યું છે.
નોંધનીય છે કે દક્ષિણ આફ્રિકામાં કોરોના વાયરસનો નવો વેરિયન્ટ મળ્યો છે જેને WHO એ ઓમીક્રૉન નામ આપ્યું છે. આ વેરિયન્ટનાં કારણે ભયંકર સ્તર પર ફરીથી કોરોના વાયરસ ફેલાશે તેવી શક્યતા દેખાઈ રહી છે જેના કારણે દુનિયાભરના દેશો અલર્ટ થઈ ગયા છે. કેટલાય દેશોએ પોતાના દેશમાં ફ્લાઇટ્સ પર પ્રતિબંધ લગાવી દીધો છે.
બીજી તરફ PM મોદીએ ટોચના અધિકારીઓ સાથે કરી મીટિંગ
PM Narendra Modi chairs meeting with top govt officials on COVID-19 situation & vaccination; Cabinet Secretary Rajiv Gauba, Principal Secretary to PM, PK Mishra, Union Health Secretary Rajesh Bhushan & NITI Aayog member (health) Dr VK Paul are among the attendees