કર્ણાટકમાં કોસ્ટલ સિક્યોરીટી પોલીસે સાર્વજનિક નોટિસ જાહેર કરતા જનતાને પડોશી રાજ્ય તમિલનાડુમાં લશ્કર એ તૈયબાના 6 આંતકવાદીઓની ઘુસપેઠ વિશે ઇન્ટેલિજન્સની સૂચનાને ધ્યાનમાં રાખી અલર્ટ રહેવા કહ્યું છે. આ અંગે જાણકારી પોલીસે રવિવારે આપી.
પોલીસે જણાવ્યું છે કે સાર્વજનિક નોટિસમાં ઉડુપીના માલપે ક્ષેત્રના લોકોને સાવચેત રહેવા અને શંકાસ્પદ વ્યક્તિઓના દેખાવા પર પોલીસને સૂચના આપવા માટે કહેવામાં આવ્યું છે.
આ સાર્વજનિક નોટીસ તમિલનાડુને હાઇ અલર્ટ પર રાખ્યા બાદ જાહેર કરાયું છે. તમિલનાડુને આ પહેલા ત્યારે હાઇ એલર્ટ પર રાખવામાં આવ્યું હતું જ્યારે ગુપ્તચર એજન્સીઓએ કહ્યું હતું કે એક પાકિસ્તાની સહિત લશ્કર એ તૈયબાના 6 આતંકવાદીઓ શ્રીલંકા રાજ્યમાંથી પ્રવેશ્યા છે.
સીએસપી માલપેના પોલીસ સ્ટેશનના ઇન્સપેક્ટર પ્રમોદ કુમારે પીટીઆઇને કહ્યું કે, ગુપ્તચર સૂચનાના આધારે તમામ પોલીસ સ્ટેશનોને એલર્ટ કરી દેવાયા છે. ગુપ્તચર સૂચના બાદ કેરળમાં પણ એલર્ટ જાહેર કરી દેવાયું છે.