મંદીની અસર / મોટી સંખ્યામાં કર્મચારીઓને નોકરીથી હટાવશે આ કંપની, સેલ્સમાં ઘટાડો થતાં લીધો મોટો નિર્ણય

• ઇન્ટેલ કોર્પ 20% કર્મચારીઓને નોકરીથી હટાવશે
• કમ્પ્યુટર સેગમેંટ અને પીસી પ્રોસેસરનાં સેલ્સમાં ઘટાડો થતાં લેશે પગલું
• હજારોની સંખ્યામાં કર્મચારીઓને કરશે નોકરીમુક્ત

નવી દિલ્હી: કોરોનાકાળ બાદ કેટલીય કંપની પોતાના કર્મચારીઓનું ફિલ્ટરાઇઝેશન કરે છે અને પદોથી હટાવે છે. કેટલીક કંપનીઓએ તો થયેલા નુક્સાનને સરભર કરવા વેતનમાં પણ ઘટાડો કર્યો છે. ત્યારે કમ્પ્યુટર હાર્ડવેર અને ચિપ બનાવતી દુનિયાની દિગ્ગજ કંપનીમાંની એક એવી Intel corp હજારોની સંખ્યામાં પોતાના કર્મચારીઓનું ફિલ્ટરાઇઝેશન કરી રહી છે.
કંપની દ્વારા આ અનુસંધાને એક લિસ્ટ પણ તૈયાર કરવામાં આવી રહી છે. 

20% કર્મચારીઓને કરશે દૂર

ઇન્ટેલ કોર્પ જેવી સફળ કંપની પણ થઇ રહેલા નુક્સાનને પહોંચી વળવા આવું પગલું ભરી રહી છે. કોરોનાકાળ પછીથી પર્સનલ કમ્પ્યૂટર સેગમેન્ટ, પીસી પ્રોસેસર વગેરેના સેલ્સમાં લગાતાર ઘટાડો થવાને લીધે કંપનીએ આ પગલું ભર્યું છે. જેના અંતર્ગત કંપની સેલ્સ એન્ડ માર્કેટિંગ વિભાગમાંથી આશરે 20% જેટલાં કર્મચારીઓને હટાવવા લિસ્ટ તૈયાર કરી રહી છે.

વર્ષ 2016માં પણ બની હતી આવી ઘટના
જો પાછળનાં સમયમાં ધ્યાન દોરીએ તો 2016માં ઇન્ટેલે 11% જેટલા કર્મચારીઓને નોકરીથી હટાવ્યાં હતાં. જેના લીધે આશરે 12 હજાર લોકો બેરોજગાર બન્યા હતાં. વર્તમાન સમયની વાત કરીએ તો જૂલાઇ મહિનામાં આ કંપની સાથે આશરે 1 લાખ કર્મચારીઓ  કામ કરી રહ્યાં હતાં. જેમાંથી અનુમાન અનુસાર સેલ્સ એન્ડ માર્કેટિંગ વિભાગમાંથી આશરે 20% જેટલાં કર્મચારીઓને હવે હટાવી દેવામાં આવશે.

મંદી વધવાને કારણે ભર્યું પગલું
એક અનુમાન અનુસાર આવનારા વર્ષમાં મોટી મંદી આવવાની છે જેને લઇને માર્કેટ ઘણું ડાઉન જઇ શકે છે. દુનિયાભરની અર્થવ્યવસ્થામાં થઇ રહેલાં ઝડપી ફેરફારને લીધે આ કંપની પણ લોન્ગ ટર્મનું વિચારીને કર્મચારીઓનું ફિલ્ટર લિસ્ટ તૈયાર કરી રહી છે. Intelએ હાલમાં હાયરિંગ પર પણ રોક લગાવેલ છે. કંપની પોતાના આ પગલાંને લીધે પોતાના ફિક્સડ કોસ્ટને 10 થી 15% જેટલું ઘટાડી શકે છે.