વ્હીકલ ઈન્શ્યોરન્સ ખૂબ જ અગત્યની પ્રક્રિયા છે. જે તમને ઈમરજન્સીમાં સુરક્ષા આપે છે વ્હીકલ એક્ટમાં પણ તે ફરજિયાત છે. પણ શું તમે જાણો છો કે, જો તમારી કાર ચોરી થઈ જાય અને કારની ચાવી તમારી પાસે ન હોય તો કાર ઈન્શ્યોરન્સ હોવા છતાં તમે વીમાની રકમ ક્લેમ કરી શકશો નહીં એટલે કે દાવો નહીં કરી શકો. તો જાણો જાણીએ તે પાછળનું કારણ.
વ્હીકલ ઈન્શ્યોરન્સ કરાવવું ખૂબ જ જરૂરી છે
જો વ્હીકલની ચાવી પાસે નહીં હોય તો ક્લેમ નહીં કરી શકો
કારની બંને ઓરિજિનલ ચાવી પાસે હોવી જરૂરી
હકીકતમાં, જ્યારે તમે કાર ખરીદો છો ત્યારે તેની સાથે 2 ચાવી મળે છે. જેથી જો તમારી કાર ચોરી થઈ જાય તો એ બંને ઓરિજિનલ ચાવીઓ તમારી પાસે હોવી જોઈએ. આ સંજોગોમાં ઈન્શ્યોરન્સ કંપની તમારી પાસેથી ચાવી લઈને એ વાતની પુષ્ટિ કરે છે કે વાહનના માલિકનો આ ઘટના સાથે કોઈ સંબંધ તો નથી અને કાર ચોરાય ગઈ છે. આ જ કારણથી ઈન્શ્યોરન્સ ક્લેમ કરતી વખતે તમારે બંને ચાવી કંપનીને આપવાની હોય છે.
આ કારણથી કંપની માગે છે 2 ચાવીઓ
વાહનનો માલિક કોઈપ્રકારનો ફ્રોડ તો નથી કરી રહ્યો તે જાણવા માટે ઈન્શ્યોરન્સ કંપની આવું કરે છે. સાથે જ માલિકની બેદરકારીને કારણે તો વાહન ચોરી નથી થયું તે વાતની પુષ્ટિ કરવા કંપની આવું કરે છે. એટલું જ નહીં જો કારનો માલિક ઈન્શ્યોરન્સ ક્લેમ કરતી વખતે કોઈ અન્ય વાહનની અથવા તો નકલી ચાવી આપે તો કંપની ક્લેમને નકારી શકે છે. સાથે જ કંપની માલિક વિરૂદ્ધ આવું કરવા માટે પોલીસમાં ફરિયાદ પણ કરી શકે છે.
આ બાબતોનું રાખો ધ્યાન
હમેશાં એક જ ઓરિજિનલ ચાવીનો ઉપયોગ કરો અને જો તે જૂની થઈ જાય અથવા તો કામ કરવાનું બંધ કરી દે તો તેને તમારી પાસે સુરક્ષિત રાખી લો અને પછી બીજી ચાવીનો ઉપયોગ કરો. જૂની ચાવી ઈન્શ્યોરન્સ ક્લેમમાં મદદરૂપ થાય છે.
પોલીસ અને કંપનીને સૂચના આપો
ઘણાં લોકો આ વાત પર ધ્યાન નથી આપતા પરંતુ જો તમારી કારની ચાવી ખોવાય જાય છે અથવા તો તમે કારના લોકને બદલાવો છો તો આ સ્થિતિમાં નજીકના પોલીસ સ્ટેશને જઈ જણાવો અને ઈન્શ્યોરન્સ કંપનીને પણ આ અંગે જાણકારી આપો. પોલીસને જાણાવ્યા બાદ FIRની કોપી તમારી પાસે અવશ્ય રાખો. કેમ કેસ, જ્યારે વાહન ચોરીનો ક્લેમ કરીએ ત્યારે આ કોપી મદદરૂપ સાબિત થાય છે.