ATM કાર્ડ પર ફ્રીમાં મળે છે રૂ. 10 લાખનો ઇન્શ્યોરન્સ આ રીતે આવશે કામ

જ્યારે પણ તમે કોઇ બેંકમાં સેવિંગ એકાઉન્ટ ઑપન કરો છો ત્યારે બેંક તમને એક ATM કાર્ડ આપે છે. આ કાર્ડની મદદથી તમને ATM મશીનમાંથી ધારો ત્યારે રોકડ ઉપાડી શકો છો અને ઑનલાઇન તેમજ મોલમાં શોપિંગ પણ કરી શકો છો. તમારા બિલ પણ ચુકવી શકો છો પરંતુ તમે ભાગ્યે જ જાણતા હશો કે આ ATM કાર્ડ સાથે તમને રૂ. 10 લાખ સુધીનો ઇન્સ્યોરન્સ પણ મળે છે. જો નથી જાણતા તો આ વાંચી લો ખૂબ જ કામમાં આવશે રૂપિયા..

લગભગ તમામ બેંક પછી તે સરકારી હોય કે પ્રાઇવેટ પોતાના ગ્રાહકોને ATM કાર્ડ પર એક્સિડેન્ટલ હોસ્પિટલાઇઝેશન કવર અથવા એક્સિડેન્ટલ ડેથ કવર આપે છે. આ સ્કિમ અંતર્ગત મળતુ વીમા કવર રૂ. 50000થી રૂ. 10 લાખ સુધીનું હોય છે. કેટલીક બેંક પોતાના ક્રેડિટ કાર્ડ ધારકોને પણ આ સુવિધા આપે છે.

જો કોઇ ATM ધારકનું મોત થઇ જાય છે તો તેમના પરિવારના વ્યકિતને 2-5 મહિનાની અંદર જેતે બેંકની બ્રાંચમાં પહોંચીને આ અંગેની જાણકારી આપવાની રહે છે. તેમજ આ બ્રાંચમાં વીમાની રકમ માટે એપ્લિકેશન પણ દેવાની હોય છે. ક્લેમની રકમ આપતા પહેલા બેંકે ચેક કરશે કે શું વ્યકિતએ મૃત્યુના 60 દિવસ પહેલા સુધી બેંકમાં કોઇ વ્યવહાર કર્યો છે કે નહી. આ ઇન્સ્યોરન્સ અંતર્ગત વિકલાંગતાથી લઇને મૃત્યુ સુધીની અલગ-અલગ રકમ મળે છે. તેમજ સાધારણ ATM માસ્ટરકાર્ડ ક્લાસિક ATM આમ કાર્ડની કેટેગરી મુજબ વીમાની રકમ પણ અલગ-અલગ હોય છે એટલું જ નહી તમને બેંકના જઇને પણ તપાસ કરી શકો છો કે તમારા ATM કાર્ડ પર કેટલું વીમા કવર છે. 

આ પ્રકારના ઇન્શ્યોરન્સ માટે જેમના નામે ક્લેમ કરવાના છે તેમના એક્સિડન્ટ અથવા મૃત્યુ સંબંધતી તમામ ડોક્યુમેન્ટ્સ હોવા જરૂરી છે. જો એક્સિડન્ટનો કેસ છે અને વ્યકિત હોસ્પિટલમાં છે તો તેના સંબંધી તમામ ડોક્યુમેન્ટ્સ આપવાના હોય છે. આ ઉપરાંત જો વ્યકિતનું મૃત્યુ થયું હોય તો તેના પોસ્ટમોર્ટમના રિપોર્ટ પોલીસ રિપોર્ટ ડેથ સર્ટિફિકેટ અને ડ્રાઇવિંગ લાઇસન્સની કોપી પણ ઉપલબ્ધ કરાવવાની હોય છે.