ભ્રષ્ટાચાર / સરકારની સીધી નજર છતાં વીમા એજન્ટો બેફામ, નુકસાની સાચી નોંધાવવા ખેડૂતો લાંચ આપવા મજબૂર

• ખેડૂતો પાસેથી લાંચ લેતો વીડિયો થયો વાયરલ
• ખેતીમાં નુકસાનીનાં સર્વે માટે ખેડૂતો પાસે માગી લાંચ
• અમરેલીમાં ખેડૂતો પાસે વીમા કંપનીનાં એજન્ટોએ માગી લાંચ

 વીમા એજન્ટો ખેડૂતીની મજબૂરીનો ફાયદો ઉઠાવી રહ્યાં છે

એક તરફ ખેડૂતો પાકનાં નુકસાનથી પરેશાન થાય છે.  બીજી તરફ વીમા એજન્ટોનાં ભ્રષ્ટાચારથી. ખેડૂતોની મજબુરીનો આ વીમા એજન્ટો લાભ ઉઠાવી રહ્યાં છે. કેવી રીતે વીમા એજન્ટો ખેડૂતોની મજબૂરીનો ફાયદો ઉઠાવે છે. તેનો પર્દાફાર્શ કરતો વીડિયો વાઈરલ થયો છે.

વીમા એજન્ટોની બેઈમાનીનો વીડિયો વાઈરલ

કમોસમી વરસાદને કારણે ખેડૂતોને પાકમાં નુકસાન થયું છે. સરકારે વીમા કંપનીઓને નુકસાનનો સર્વે કરી વળતર આપવા સૂચન કર્યું છે. ત્યારે સર્વે દરમિયાન અમરેલીમાં ખેડૂતો પાસેથી પૈસા ઉઘરાવતો વીમાં એજન્ટનો વીડિયો વાઈરલ થયો છે.  

વીડિયોમાં લાંચ લેતા ઝડપાયા એજન્ટો

વીમા એજન્ટ દ્વારા નુકસાનીની ટકાવારી ઓછી લખીને ખેડૂતોને લાંચ આપવા માટે મજબૂર કરવામાં આવી રહ્યાં છે. તેમાંથી એક જાગૃત ખેડૂતે આ વીડિયો બનાવ્યો છે. જેમાં વીમા એજન્ટ રૂપિયા લઈને જાય છે અને ખેડૂત તેનો પીછો પણ કરે છે. જોકે એજન્ટ મો છૂપાવવાનો પ્રયાસ કરે છે. પ્રતિ ખેડૂત દીઠ 600 રૂપિયા નક્કી કર્યા હતાં.  આ રૂપિયા લેતાં સમયનો આ વીડિયો છે. જેમાં એજન્ટો લાંચ લેતાં નજરે પડી રહ્યાં છે. જ્યારે અન્ય એક વીડિયો છે. જેમાં રૂપિયાં લેતાં પહેલાં ડીલ નક્કી કરવામાં આવી હતી. જેમાં બે એજન્ટ નજરે પડી રહ્યાં છે.. ત્યારે અહીં સવાલ વીમા કંપનીઓ પર પણ છે.

કૃષિ મંત્રીએ કહ્યું ખેડૂતોને છેતરીને લેભાગુ તત્વો રુપિયા લે છે

વીમા એજન્ટનાં વાઈરલ વીડિયોનાં મુદ્દે કૃષિ મંત્રીએ નિવેદન આપ્યું છે. જેમાં ફળદુએ કહ્યું કે, ખેડૂતોને છેતરીને લેભાગુ તત્વો રુપિયા લે છે. આ ભ્રષ્ટાચાર માટે જવાબદાર લોકો સામે કડક પગલા લેવામાં આવશે. વહીવટોમાં થતો રોગચાળો અટકાવવામાં આવશે. જેનાં માટે કૃષિ વિભાગના અધિકારીઓને સૂચનાં આપવામાં આવી છે.