વાયરલ વીડિયો / ઇન્સ્ટાગ્રામ રિલ્સ બનાવતા સમયે જો નિયમ તોડ્યા તો આવી બન્યું સમજો, રાજકોટ પોલીસે જુઓ શું કર્યું

• ઇન્સ્ટાગ્રામ રિલ્સ બનાવવા માટે નિયમ તોડનારા ચેતી જજો
• BRTS રૂટ પર કાર દોડાવી રિલ્સ બનાવી હતી
• રાજકોટ પોલીસે નિયમભંગ કરનાર વિરુદ્ધ કરી કાર્યવાહી

રાજકોટમાં બીઆરટીએસ રુટમાં બસની ઝડપ જળવાઇ રહે તે માટે કોરિડોરમાં એમ્બ્યુલન્સ અને પોલીસનાં વાહન સિવાય બીજા કોઇ પણ ખાનગી વાહન ઉપર પ્રતિબંધ ફરમાવાયો હતો. તે બાદ એસ ટી બસ જેવી જાહેર સેવાઓને આ રુટમાં હંકારવાની પરમીશન આપવામાં આવી છે જ્યારે ખાનગી વાહન ચાલકો માટે આ રુટનો વપરાશ કરવો તદ્દન નિયમ વિરુધ્ધ છે.

ઈસમે BRTS રૂટ પર કાર દોડાવી
ઇન્સ્ટાગ્રામ રિલ્સ બનાવવાના ચક્કરમાં રાજકોટમાં BRTS રૂટમાં નિયમોના લીરેલીરા ઉડી રહ્યા છે. ત્યારે ત્યારે હવે નિયમોને તોડનારા લોકો ચેતી જજો, BRTS રૂટ પર વાહન ચલાવી વીડિયો પોસ્ટ કરતા કાર્યવાહી કરવામાં આવી છે. 15મે ના રોજ રોકી સ્ટાર નામના ઈન્સટા આઈડી પર BRTS રૂટમાં કાર હંકારી વીડિયો બનાવતો વીડિયો સોશિયલ મીડિયામાં પોસ્ટ થયો હતો જે વાયરલ થયા બાદ પોલીસ એક્શનમાં આવી હતી અને વીડિયો મૂકનારની અટકાયત કરી પૂછપરછ કરવામાં આવી છે.સોશિયલ મીડિયામાં સસ્તી પ્રસિદ્ધિ મેળવવા માટે કેટલાક ઈસમો નિયમો નેવે મૂકતાં હોય છે. 

આ પહેલા શહેરના 150 ફૂટ રિંગ રોડમાં BRTS રૂટ પર ઘોડેસવારી કરતા યુવાનોનો વીડિયો વાઇરલ હતો જેમાં BRTS રૂટમાં ઘોડેસવારો ઘોડા પર સવાર થઈ ઉપર ઊભા રહી જોખમી સ્ટંટ કરતાં નજરે પડ્યા હતા. આમ વારંવાર નિયમોના લીરેલીરા ઉડાવી રાજકોટ BRTS રૂટ વાહનો દોડાવવામાં આવે છે પણ હવે નિયમમાં રહેવાની ટેવ પાડી લેજો કારણ કે પોલીસ હવે આવારાતત્વો સામે લાલઆંખ કરી છે. દંડાત્મક કાર્યવાહી સાથે જેલ ભેગા થવાનો પણ વારો આવી શકે છે.