આપણામાં મોટાભાગના લોકો Instagramનો ઉપયોગ કરે છે. બધા પોતાના આ માધ્યમથી ફોટો તો અપલોડ કર્યો જ હશે, પરંતુ જો તમને કહેવામાં આવે કે, તમે તમારા Instagram પરથી બધી પોસ્ટ હટાવી દો એટલે કે, ડિલેટ કરી દો અને બદલામાં એક વર્ષ સુધી ફ્રીમાં હવાઇ યાત્રા કરો તો? જો આવુ કહેવામાં આવે તો સો ટકાની વાત છે કે, બધાને મજાક લાગે, પરંતું નહીં આ વાત સાચી છે JetBlue કંઇક આવી જ ઓફર આપે છે.
અમેરિકન એરસાઇન્સ JetBlueએ કહ્યું છે કે, તમે તમારા Instagramની બધી પોસ્ટ હટાવી દો તો કંપની તમને પુરા એક વર્ષ સુધી ફ્રીમાં હવાઇ સફર કરાવશે. જેની જાણકારી કંપનીએ ખુદ ટ્વીટ કરીને આપી છે. જેથી કંપનીએ ઓલ યૂ કૈન જેટ નામથી ઓફરની શરૂઆત કરી છે.
કંપનીના બ્લોગ પોસ્ટ મુજબ આ સ્પર્ધાનો આખરી દિવસ 8 માર્ચ 2019 છે. એટલે કે, આ પહેલાં તમારે સ્પર્ધામાં ભાગ લેવો પડે. જો તમે આ સ્પર્ધામાં ભાગ લેવા માંગતા હોવ તો તમારા બ્રાઉઝરમાં https://www.jetblue.com/aycj/ આ લીંકને ઓપન કરો. ત્યારબાદ તમારા Instagram પોસ્ટને ડિલેટ કરો અને તેનો સ્ક્રીનશોર્ટ અપલોડ કરો. આ સાથે તમારે ખાલી જગ્યા પણ ભરવી પડશે. આ ઉપરાંત તમારે કંપનીના ટેંપલેટ સાથે કંપનીને ટેગ કરીને Instagram પર એક પોસ્ટ કરવાની રહેશે.
તમને જણાવી દઇએ કે, કંપનીએ આ સ્પર્ધાની શરૂઆત 27 ફેબ્રુઆરીએ કરી હતી. ત્યારબાદ હજારો લોકોએ પોતાની પોસ્ટ ડિલેટ કરીને ફોટો અપલોડ કર્યો છે. જે તમને તમારા Instagram પરના ફોટો ડિલેટ કરવામાં કંઇ વાંધો ન હોય તો તમે પણ આ સ્પર્ધામાં ભાગ લઇ શકો છો.