વાહ / હવે Instagram પર પણ થશે ધૂમ કમાણી: જેની ખૂબ રાહ જોવાઈ તે ફીચર લૉન્ચ

• કન્ટેન્ટ ક્રિએટર્સ આ રીતે રૂપિયા કમાઈ શકશે
• Instagram એ સબ્સ્ક્રીપ્શન ફીચર જાહેર કર્યુ
• ક્રિએટર્સ પોતાના પેડ ફોલોઅર્સને આ એક્સેસ આપી શકશે

ઈન્સ્ટાગ્રામે સબ્સ્ક્રીપ્શન ફીચર જાહેર કર્યુ

જો કે, ઈન્સ્ટાગ્રામે તેને ફક્ત કેટલાંક અમેરિકન ક્રિએટર્સ માટે લાઈવ કર્યુ છે. આ ફીચરની મદદથી ક્રિએટર્સ પોતાના પેડ ફોલોઅર્સને એક્સક્લૂઝીવ Instagram લાઈવ વીડિયો અને સ્ટોરીનું એક્સેસ આપી શકશે. એટલું જ નહીં, સબ્સ્ક્રાઈબર્સને પણ એક સ્પેશિયલ બેજ મળશે. જે તેમને ક્રિએટર્સના કોમેન્ટ સેક્શન અને ઈનબોક્સમાં બીજા યુઝર્સથી અલગ કરશે. ઈન્સ્ટાગ્રામે આ ફીચરને 10 અમેરિકન ક્રિએટર્સની સાથે લાઇવ કર્યુ છે. એપ તેને અલ્ફા ટેસ્ટ માની રહ્યું છે. એટલેકે ક્રિએટર્સ આ ફીચરનો ઉપયોગ કરી પોતાનો ફીડબેક આપશે.

ક્રિએટર્સ કન્ટેન્ટની કિંમત નક્કી કરી શકશે

સબ્સ્ક્રીપ્શનની વાત કરીએ તો ક્રિએટર્સની પાસે પોતાના કન્ટેન્ટની કિંમત નક્કી કરવાની આઝાદી હશે. 0.99 ડૉલરથી લઇને 99.99 ડૉલર પ્રતિ મહિના સુધી વચ્ચે ક્રિએટર્સને 8 પ્રાઈસ પોઈન્ટ મળશે.  સબ્સ્ક્રીપ્શન બાદ યુઝર્સને સ્ટોરી હાઈલાઈટ્સ જેવા સબ્સ્કાઈબર્સ-ઓનલી કન્ટેન્ટનું એક્સેસ મળશે. એક્સક્લૂઝીવ બ્રોડકાસ્ટ શરૂ થતા યુઝર્સને એલર્ટ મળશે. કારણકે આ બ્રોડકાસ્ટ ફક્ત સબ્સ્ક્રાઈબર્સ માટે હશે. તેથી તેમાં યુઝર્સની સંખ્યામાં ઘટાડો થશે. જેને ફોલોઅર્સ સારી રીતે કન્ટેન્ટ ક્રિએટર્સ સાથે જોડાઈ શકશે. સબ્સ્ક્રાઈબર્સ-ઓનલી સ્ટોરી પર્પલ રિંગની સાથે દેખાશે.