રિસર્ચ / Instagram યૂઝર્સને આંચકો લાગે તેવો ઘટસ્ફોટ, સ્ટડીમાં થયો મોટો ખુલાસો

ઇન્સ્ટાગ્રામ (Instagram) ના યુઝર્સને આંચકો લાગે તેવો ઘટસ્ફોટ હમણાં થયો છે. એક સ્ટડી (study) માં જાણવા મળ્યું છે કે ભારતમાં ઇન્સ્ટાગ્રામના એવા 1. 6 કરોડ એકાઉન્ટ મળ્યા છે જે ફેક એટલે કે બોગસ છે. આ ફેક આઇડીનો ઉપયોગ જે તે કંપનીઓ પોતાનો બિઝનેસ વધારવા ઉપયોગ કરી રહી છે. સ્વીડનની ડેટા એનાલિટિક કંપની હાઇપ ઓડિટર દ્વારા 82 દેશોના ઇન્સ્ટાગ્રામના યુઝર્સ પર કરાયેલા એર રિસર્ચમાં ઘટસ્ફોટ થયો છે. જેમાં એ બાબત પણ બહાર આવી કે અમેરિકા,બ્રાઝિલ અને ભારતમાં સૌથી વધુ ફેક એકાઉન્ટ (fake account) છે. 

અમેરિકામાં 4. 9 કરોડ,બ્રાઝિલમાં 2. 7 કરોડ અને ભારતમાં 1. 6 કરોડ ફેક એકાઉન્ટ છે. ઇન્સ્ટાગ્રામ પર થઇ રહેલા આ ફ્રોડ કેમ થાય છે તેની ભાલ મેળવતા આ કંપનીને એવી પણ જાણકારી મળી કે ઇન્સ્ટાગ્રામ પર માર્કેટિંગ હવે 2 અબજ ડોલર સુધી પહોંચી ગયું છે. જે 2017માં 1 અબજ ડોલર હતું. કંપનીઓ માર્કેટિંગમાં ધુમ રુપિયા ખર્ચે છે અને તેમને લાગે છે કે તેઓ લોકો સુધી પહોંચી રહી છે. પણ વાસ્તવમાં એવું હોતું નથી. બની શકે કે કંપનીઓ માર્કેટિંગ ફ્રોડનો શિકાર બનતી હોય. 

કંપનીઓ સોશિયલ મિડીયાની લોકપ્રિયતા જોઇને તેના પર એડ પવાનું પસંદ કરે છે. જોકે આવી ખરેખર કોઇ જોવે છે કે કેમ તેનું ટ્રેકિંગ થતું હોતું નથી.  ઇન્સ્ટાગ્રામ પર એક અબજ એકટિવ યુઝર્સ છે. જયારે ઇન્સ્ટાગ્રામ જેની માલિકીની કંપની છે તે ફેસબુકના 2. 38 અબજ યુઝર્સ છે. તેનાથી અંદાજ લગાવી શકાય છે કે સોશિયલ મિડીયા કેટલું પાવરફુલ પ્લેટફોર્મ છે ને તેના પર કેટલો બિઝનેસ થતો હશે. તેના કારણે ફ્રોડ થવાની શકયતા પણ વધી જાય છે. ગત મે મહિનામાં લોકો હસ્તીઓનો પર્સનલ ડેટા ઇન્સ્ટાગ્રામ પર જાહેર થઇ ગયો હતો.