ફેસબુકની સોશિયલ નેટવર્કિંગ સર્વિસ ઈન્સ્ટાગ્રામમાં ત્રણ નવાં ફીચર્સ લોન્ચ કર્યા છે. જેમાં બૂમરેંગ સ્ટોરીમાં SlowMo (સ્લોમોશન), Echo (ઈકો) અને Duo (ડુઓ) નામના ફીચર રજૂ કરવામાં આવ્યા છે. આ નવા ફીચર્સ એન્ડ્રોઈડ અને iOS (આઇઓએસ) વર્ઝન પર ઉપલબ્ધ છે. કેમેરામાં બૂમરેંગ કંપોઝરમાં તમને આ ફીચર્સ જોવા મળશે.
ઈન્સ્ટાગ્રામ યુઝર્સ માટે સારાં સમાચાર
બૂમરેંગ ફીચર યુઝર્સનું સૌથી લોકપ્રિય ફીચર
બૂમરેંગમાં ઉમેર્યા 3 નવા અમેઝિંગ ફીચર્સ
બૂમરેંગ ફીચર ઈન્સ્ટાગ્રામ યુઝર્સનું સૌથી લોકપ્રિય ફીચર છે. જેમાં ત્રણ નવા ફીચર ઉમેરાતા યુઝર્સને વધુ મજા પડી જશે. જેમાંથી સ્લોમોશન ફીચરમાં વીડિયો તેની સ્પીડથી અડધી સ્પીડ સુધી સ્લો થઈ જશે, ઈકોમાં ડબલ વિઝન સાઉન્ડવાળો ફીચર યુઝરની ક્રિએટિવિટીને વધારશે અને ત્રીજો એટલે કે ડુઓ વીડિયોની સ્પીડ વધારી દેશે.
વીડિયોને ટ્રીમ પણ કરી શકાશે
આ સાથે જ તમે આમાં વીડિયોને ટ્રીમ પણ કરી શકાશે અને વીડિયોની લંબાઈને પણ એડજસ્ટ કરી શકો છો. આ ફિલ્ટર્સ ઓવર ધ એયર (OTA) અપડેટમાં આવ્યું છે. આ કઈ રીતે કામ કરશે તે જણાવવા ઈન્સ્ટાગ્રામે ટ્વિટ કર્યું છે.
આ ફીચરનો કઈ રીતે ઉપયોગ કરવો
સૌ પ્રથમ ઈન્સ્ટાગ્રામ એપ ઓપન કરીને કેમેરા ઓપન કરો. ત્યારબાદ બૂમરેંગ સિલેક્ટ કરીને વીડિયો શૂટ કરો. ત્યારબાદ સ્ક્રીનની ઉપર તરફ બૂમરેંગનો એટલે કે ઈન્ફિનિટીનો સિમ્બોલ દેખાશે તેના પર ક્લિક કરો. હવે તમે ક્લાસિક, સ્લોમોશન, ઈકો અથવા ડુઓ ફીચર સિલેક્ટ કરીને વીડિયો ટ્રિમ કરી શકો છો.
લે આઉટ ફીચર કર્યું હતું લોન્ચ
ઉલ્લેખનીય છે કે થોડાં સમય પહેલાં ઈન્સ્ટાગ્રામ સ્ટોરીમાં લે આઉટ ફીચર એડ કરવામાં આવ્યું હતું. જેમાં યુઝરને સિંગલ સ્ટોરીમાં ઈમેજ સામેલ કરવાની સુવિધા આપવામાં આવી હતી. જેમાં યુઝર્સ સ્ટોરીમાં 6 ફોટા એડ કરી શકે છે અને તેને કમ્બાઈન કરવા લે આઉટ કરી શકે છે.