પ્રેરણા / આ IAS અધિકારીની માતા વેચે છે બંગડી, કહ્યું બંગડીના પૈસાથી તને ભણાવ્યો છે એટલે...

• આઠ વર્ષથી ઓફિસર છે રમેશ ઘોલપ 
• આજે પણ બંગડી વેચે છે મા 
• બંગડી વેચીને જ તને કલેકટર બનાવ્યો છે : રમેશના માતા 

રમેશ ઘોલપનો જન્મ મહારાષ્ટ્રનાં સોલાપુરમાં થયો હતો. એક એવો સમય હતો જયારે રમેશની માતા બંગડીઓ વેચીને ગુજરાન ચલાવતા હતા અને આજે રમેશ એક IAS અધિકારી બની ગયા છે. ગરીબીમાં હોવા છતાં રમેશે ક્યારેય હાર ન માની અને આજે યુવાનો માટે એક પ્રેરણા બની ગયા. વર્તમાનમાં તે ઝારખંડમાં કોડેરમાંનાં કલેકટર છે. 

રમેશ આજે કલેકટર બની ગયા પણ તેમની માતા આજે પણ બંગડી વેચે છે. રમેશ છેલ્લા આઠ વર્ષથી ઓફીસર છે છતાં બંગડી વેચતી માતાનું કહેવું છે કે 'આ જ બંગડી વેચીને તને કલેકટર બનાવ્યો છે. જ્યાં સુધી હાથ ચાલે છે બંગડી વેચતી રહીશ.'

રમેશના પિતા પંચરની દુકાન ચલાવતા હતા પરંતુ વ્યસનના કારણે તેમને હોસ્પિટલમાં દાખલ થવું પડ્યું જે બાદ તેમની માતાએ બંગડીઓ વેચવાનું શરુ કરી દીધું. રમેશ અને તેમના ભાઈ આ કામમાં માતાની મદદ કરતા હતા. એવામાં રમેશના ડાબા પગમાં પોલિયો થઇ ગયો. છતાં રમેશ હાર્યા નહીં અને તનતોડ મહેનત કરીને ભણવા લાગ્યા. 12માંની પરીક્ષાની તૈયારી કરી રહ્યા હતા ત્યારે જ પિતાની મોત થઇ ગઈ. ગરીબીનાં એવા દિવસો હતા કે રમેશ શિક્ષણ માટે કાકાનાં ઘરે આવેલ હતા અને પિતાની અંતિમયાત્રામાં સામેલ થવા માટે બે રૂપિયા પણ ન હતા. પડોશીની મદદથી રમેશ અંતિમયાત્રામાં પહોંચ્યા. 

12માં પછી રમેશે ડિપ્લોમા કર્યું અને વર્ષ 2009માં તે શિક્ષક બની ગયા પણ પાછળથી આ નોકરી છોડી દીધી અને 2012માં સિવિલ સર્વિસની પરીક્ષા પાસ કરી.