બોલીવૂડ એક્ટર શાહરૂખ ખાનની દીકરી સુહાના પોતાની લાઇફસ્ટાઉલને લઇને ચર્ચામાં રહેતી હોય છે ત્યારે હાલમાં જ તેણે પોતાના ન્યૂયોર્ક અપાર્ટમેન્ટની તસવીર શૅર કરીને લોકોને ચોંકાવી દીધા છે.
સુહાના પોતાના મિત્રો સાથેની ફન મોમેન્ટ્સ શૅર કરતી રહે છે અને તે કેટલી શાનદાર લાઇફ જીવે છે તે કોઇનાથી છુપુ નથી. હાલમાં જ સુહાનાએ કેટલીક તસવીર શૅર કરી છે જે તેના ન્યૂયોર્ક અપાર્ટમેન્ટની છે. જેને જોઇને જ ખ્યાલ આવે છે કે ન્યૂયોર્કનુ અપાર્ટમેન્ટ પણ મન્નતથી કમ નથી.
સુહાનાએ એક તસવીર શૅર કરી છે જેમાં તે પોતાના અપાર્ટમેન્ટમાં બેઠેલી છે અને પોઝ આપતી નજર આવે છે. ફોટોમાં સુહાના સફેદ કલરના આઉટફીટમાં છે અને તેની આ તસવીર ફેન્સ વચ્ચે ખુબ પસંદ કરવામાં આવી રહી છે. હવે તેણે ફેન્સને તેના અપાર્ટમેન્ટ અંદરની ઝલક બતાવી છે. જેનાથી ખબર પડે છે કે સુહાના ન્યૂયોર્કમાં જે અપાર્ટમેન્ટમાં રહે છે તે કોઇ 7 સ્ટાર હોટલથી ઓછી નથી.
સુહાનાનો બેડરૂમ જોયા બાદ ફેન્સ કમેન્ટ કરી રહ્યા છે અને ઇન્સ્ટા પર જ્યારથી આ સ્ટોરી શૅર કરી છે ત્યારથી અપાર્ટમેન્ટ ચર્ચાનો વિષય બન્યો છે.
ટ્રોલ્સથી પરેશાન સુહાના
સુહાના ખાનને લોકો છાશવારે ટ્રોલ કરી દેતા હોય છે. તેની ચામડીના રંગને લઇને લોકો કિંગ ખાનની દીકરીને ટ્રોલ કરતા જોવા મળે છે. થોડા સમય પહેલા જ સુહાનાએ ટ્રોલર્સને જવાબ આપ્યો હતો કે આ મારી ચામડીનો કલર છે અને દરેક ભારતીયની ચામડીનો કલર બ્રાઉન જ હોય છે. આ બાબત પર ગર્વ લેવો જોઇએ, ટ્રોલ નહી. આ પોસ્ટ બાદ ઘણા લોકો સુહાનાના સપોર્ટમાં આવી ગયા હતા.
શનાયા કપૂરે કરી કમેન્ટ
હાલમાં જ સુહાનાએ એક તસવીર શૅર કરી હતી જેમાં તેની બહેન આલિયા છિબા અને મિત્ર શનાયા કપૂરે કમેન્ટ કરી હતી. અન્ય એક યુઝરે લખ્યું હતું કે તમે વધારે ને વધારે સુંદર થતા જાવ છો.
સુહાના અવાર નવાર તેના મિત્રો સાથે તસવીર શૅર કરતી જોવા મળે છે. સુહાનાના મિત્રો ભારતીય ઓછા છે. તે પોતાના સ્ટાયલીશ લૂક અને નિવેદનોને લઇને લાઇમ લાઇટમાં રહે છે. સોશ્યલ મિડીયા પર સુહાનાના લગભગ ડોઢ મિલીયન ફોલોઅર્સ છે.