અમદાવાદ ફૂડમાંથી જીવાત નિકળવાનો સિલસિલો યથાવત જોવા મળી રહ્યો છે. મોટી મોટી કંપનીઓની ફ્રેન્ચાઈઝી ચલાવતા અને ગ્રાહકો પાસે પૂરા પૈસા લઈને પણ ગંભીર બેદરકારીઓ દાખવતા હોય છે. આનંદનગર પાસે આવેલા હોકો ઈટરીના ફૂડમાંથી જીવાત નીકળી હતી.
ફૂડમાંથી જીવાત નિકળવાનો સિલસિલો યથાવત
હોકો ઈટરીના ફૂડમાંથી જીવાત નિકળતા હોબાળો
ગ્રાહકે સોશિયલ મીડિયા પર વાયરલ કરી તસવીર
હોમ ડિલિવરી મંગાવતા ગ્રાહકને કડવો અનુભવ થયો હતો. ગ્રાહકે હોકો ઈટરીમાંથી ચણાપુરી અને શાક મંગાવ્યું હતું. ત્યારે શાકમાંથી જીવાત નીકળી હતી આથી ગ્રાહકે સોશિયલ મીડિયામાં પોસ્ટ કરીને રોષ ઠાલવ્યો હતો. તેમજ કોર્પોરેશનને કાર્યવાહી કરવા માગ કરી હતી.
કાર્યવાહી માટે ગ્રાહકે કરી માગણી
આમ વારંવાર આ રીતની ઘટનાઓ બનતા ખરેખર બહાર સારી હોટલમાં જમવા જતા લોકોએ સતર્ક રહેવાની જરૂર છે. તેઓ સારી ગુણવતા માટે વધારે પૈસા આપે છે અને તેમાં આ પ્રકારે જીવાત નીકળે તો શું કરવું તે પણ એક સવાલ છે.
થોડા સમય પહેલા ચૂંટણી ફરજ પર રહેલા અધિકારીના ભોજનમાંથી નીકળી જીવાત
બનાસકાંઠાના થરાદમા ચૂંટણી ફરજ પર આવેલા અધિકારઓના ભોજનમા જીવાત નીકળી હોવાની ઘટના સામે આવી છે.થરાદ વિધાનસભા બેઠક પેટાચૂંટણી ફરજ માટે અધિકારીયો આવ્યા હતા.આ તમામ રસોઈમાં જીવાત જોવા મળી હતી.મીઠાઈ, ભાત તેમજ ફરસાણમાં મરેલો જીવાત સાથે ભાજન અપાયુ હતુ.
સુરતની જાણતી હોટલના ભોજનમાં પણ નીકળી જીવાત
સુરત શહેરની જાણીતી હોટેલના ભોજનમાં જીવાત નીકળવાનો બનાવ સામે આવ્યો છે. ટેક્સટાઇલ માર્કેટના ટેક્સ પ્લાઝા હોટેલના ભોજનમાં જીવાત નીકળી હોવાની ફરિયાદ દાખલ કરાઇ છે. શાકમાં જીવાત હોવાનો વીડિયો સામે આવ્યો છે. 15 ઓક્ટોબરની ઘટનાને લઇ આરોગ્ય વિભાગે હોટલને નોટિસ ફટકારી અને ભોજનના નમૂના લઇ વધુ તપાસ હાથ ધરાઇ છે.