લ્યો બોલો ! / VIDEO: Teslaથી ખુશ નહોતો શખ્સ, 30 કિલો દારૂખાનું લગાવી ધડામ...ગાડીના ફૂરચાં ઊડી ગયા

• ટેસ્લા કાર પોતાની યુનિક ટેકનોલોજી અને આવિષ્કારો માટે પ્રખ્યાત
• ફિનલેન્ડમાં એક વ્યક્તિ આ કાર કંપનીની સર્વિસથી ખૂબ નિરાશ થયો
• આ શખ્સે સેડાન ટેસ્લા મૉડલ એસને 30 કિલો દારૂખાનાથી ઉડાવી દીધી

ફિનલેન્ડનો મામલો

જોકે ફિનલેન્ડમાં એક વ્યક્તિ આ કાર કંપનીની સર્વિસથી એટલો બધો નિરાશ હતો કે તેણે પોતાની સેડાન ટેસ્લા મૉડલ એસને 30 કિલો દારૂખાનાથી ઉડાવી દીધી. જેનો વીડિયો સોશિયલ મીડિયામાં વાયરલ થયો છે. 2013 ટેસ્લા મૉડલ એસના માલિકે પોતાની કિંમતી કાર સાથે જે કંઈ પણ કર્યુ તે મનોરંજન માટે નહીં, પરંતુ EV (ઈલેક્ટ્રીક વ્હીકલ) કંપનીની સેવાથી નિરાશ થઈને કર્યુ. ખરેખર, પોતાની ટેસ્લા સેડાનની સાથે આકર્ષક અને સારા અનુભવ બાદ Tuomasની કારમાં ઘણી સમસ્યાઓ ઉભી થવા લાગી હતી. એવામાં જ્યારે તેમની કારને ટેસ્લા સર્વિસ સેન્ટરમાં પહોંચાડી તો વિશ્વાસ નહીં આવે પણ તેમને ખૂબ જ દુ:ખદ અનુભવ થયો.

કારનો રિપેરિંગ ખર્ચ હતો લાખોમાં

કારના સર્વિસ સેન્ટર પર મહિનો પૂર્ણ થયા બાદ કંપનીએ જ્યારે Tuomasને સૂચના આપવામાં આવી કે તેમની સેડાન કાર બધી બેટરીને બદલ્યા વગર સારી થશે નહીં અને તેનો ખર્ચ 22,480 ડૉલર (17 લાખ રૂપિયાથી વધુ) જણાવવામાં આવ્યો તો તેઓ ચોંકી ગયા. કારણકે ગાડી 8 વર્ષ જૂની થઈ ગઇ હતી અને તે વોરંટીમાં પણ નહોતી. તેથી બેટરી બદલ્યાં સિવાય આ કારમાં અન્ય ખર્ચ પણ હતા. જેનાથી નિરાશ થઈને ટેસ્લા કારના માલિકે કારને 30 કિલો દારૂખાનાથી ઉડાવવાનો નિર્ણય કર્યો. એટલું જ નહીં, જ્યારે તેમણે કારને દારૂગોળાથી ઉડાવી તો તેમણે કારમાં ટેસ્લાના સીઈઓ એલન મસ્કનો ફોટો પણ રાખ્યો હતો.