નારાયણપૂરાના કિશન પટેલ નામના યુવાને આ ખાસ ATM બનાવ્યું છે, માત્ર 5 રૂપિયામાં મળે છે ચા, કોફી અને શૂપ
અમદાવાદના યુવાનનું ઈનોવેશન
ATMમાંથી પૈસા નહીં ચા મળે છે
ચા, કોફી અને શૂપ આપતું ATM
ભારતના યુવાઓમાં ઈનોવેશનની કોઈ કમી નથી.એવા એવા ઈનોવેશન કરે છે જેની નોંધ વિશ્વ ફલક પર લેવાય છે.અમદાવાદના એક યુવાને ખાસ પ્રકારનું ATM બનાવ્યું છે.આ ATMમાંથી પૈસા નહીં પણ ચા અને કોફી નીકળે છે.
પાંચનો સિક્કો નાંખો અને...
સિંગલ બેડ અને ડબલ જર્ની એટલે અમદાવાદી.અમદાવાદીઓ કંઈ એમ જ દુનિયામાં જાણિતા નથી.અમદાવાદની સ્થાપના કરનાર બાદશાહને પણ ખબર હતી કે ધરતી બીજાથી અલગ છે અને તેથી જ તેમણે અમદાવાદ વસાવ્યું હતું.હવે અમદાવાદના એક યુવાને આ ખાસ પ્રકારનું ATM બનાવ્યું છે.જેમાંથી રૂપિયા નહીં પણ કાળઝાળ મોંઘવારીમાં માત્ર રૂપિયામાં ચા, કોફી કે ટામેટા સૂપ નીકળે છે.તમે પાંચનો સિક્કો નાંખો એટલે તમારે જે પીવું હોય તે મળી જાય છે.
અમદાવાદના નારણપુરા વિસ્તારમાં રહેતા કિશન પટેલ નામના યુવાને આ ખાસ ATM બનાવ્યું છે.મેક ઈન ઈન્ડિયા કોન્સ્પેટ અંતર્ગત તૈયાર કરાયેલા આ ATMમાંથી રોજના 200થી 300 લોકો ચા, કોફી અને શુપનો આનંદ માણી રહ્યા છે.કિશન પટેલે આ પહેલા મિનરલ પાણીનું ATM બનાવ્યું હતું.જેનો લાભ આજે પણ લોકો લઈ રહ્યા છે.પાણીનું આ ATM ઘણી સફળ નિવડ્યું છે લોકો મોટી સંખ્યામાં તેનો લાભ લઈ રહ્યા છે. અમદાવાદમાં ATM હવે માત્ર પૈસા કાઢવા માટે નથી રહ્યા.ATMના કોન્સેપ્ટનો ઉપયોગ હવે યુવા ઉદ્યોગ સાહસિકો આવા નવા નવા ઈનોવેશન માટે પણ કરી રહ્યા છે.અને તે સફળ પણ નીવડી રહ્યા છે.