પાકિસ્તાનના ફાસ્ટ બોલર શાહીન શાહ આફ્રિદીને ઈજા થતા એશિયા કપ પહેલા બહાર થઇ ગયા છે. આ ટુર્નામેન્ટમાં ભારત અને પાકિસ્તાનની વચ્ચે મેચ 28 ઓગષ્ટે રમાશે.
શાહીન આફ્રિદી ઈજાગ્રસ્ત થતા એશિયા કપ પહેલા બહાર
શાહીન આફ્રિદીની ગેરહાજરીમાં મોમિન શાકીબ થઇ રહ્યો છે તૈયાર
મોમિન શાકીબે બેટીંગ પ્રેક્ટિસ પણ શરૂ કરી દીધી
મોમિને શેર કર્યો વીડિયો
શાહીન આફ્રિદીની ગેરહાજરીમાં પાકિસ્તાન તરફથી રમવા માટે મોમિન શાકિબ તૈયાર થઇ રહ્યાં છે. મોમિન 2019માં ઓ ભાઈ મારો મુજે… બોલીને લોકપ્રિય થયા હતા. શાહીનની ગેરહાજરીમાં મોમિન પાકિસ્તાન ટીમ તરફથી રમવાની તૈયારીમાં જોડાયો છે. જેને લઇને તેણે એક જ પેડ પહેરીને બેટીંગ પ્રેક્ટિસ પણ શરૂ કરી દીધી છે. મોમિને જે વીડિયો શેર કર્યો છે, તેમાં તેઓ કહી રહ્યાં છે કે જો પાકિસ્તાની ટીમને જરૂર પડશે તો તેઓ રમવા માટે તૈયાર છે. આ સાથે તેઓ એક નહીં, પરંતુ ત્રણ-ત્રણ સદી ફટકારશે. આ વીડિયો ખૂબ વાયરલ થઇ રહ્યો છે.
વીડિયોમાં મોમિન બેટીંગ પ્રેક્ટિસ કરતા દેખાય છે ત્યારે એક બીજો વ્યક્તિ આવીને પૂછે છે કે મોમિન ભાઈ શું કરી રહ્યાં છો? જેના પર મોમિન કહે છે, તૈયારી કરી રહ્યો છુ તૈયારી. ઈજાગ્રસ્ત થવાથી શાહીન આફ્રિદી એશિયા કપ રમવાના નથી. તો કોઈએ તો વિચારવુ પડશે ને. જો ટીમને મારી જરૂર પડી તો હું જાતે મેદાનમાં જઇને એક નહીં, બે નહીં, પણ ત્રણ-ત્રણ સેન્ચ્યુરી ફટકારીશ. મોમિન એક જ પેડ પહેરીને બેટીંગની પ્રેક્ટિસ કરી રહ્યો હતો. એવામાં બીજા શખ્સે પૂછ્યુ કે એક પેડથી કેવીરીતે બેટીંગ કરશો. જેના પર મોમિને કહ્યું, એક કિડની પર માણસ ચાલે છે, તો એક પેડથી બેટીંગ કેવીરીતે ના થઇ શકે?