સ્પષ્ટતા / વેબ સીરીઝ 'તાંડવ'માં હિન્દુ દેવતા પર અભદ્ર ટિપ્પણીને લઇને વિરોધ બાદ સરકાર એક્શનમાં, કર્યું આ કામ

• વેબ સીરીઝ તાંડવના વિરોધનો મામલો
• તાંડવ વેબ સીરીઝને લઇને એકશનમાં સરકાર
• સરકારે એમેઝોન પાસે માગ્યો જવાબ

હિંદુ સંગઠનોએ તાંડવ વેબ સીરીઝને લઇને વિરોધ કર્યો છે. વેબ સીરીઝ તાંડવના વિરોધને લઇને સરકાર એક્શનમાં છે. સરકારે એમેઝોન પાસે જવાબ માગ્યો છે. સૂચના મંત્રાલયે તાંડવના કન્ટેન્ટને લઇને એમેઝોન( Amazon Prime)ને સોમવારે જવાબ આપવા માટે કહ્યું છે.

શું છે સમગ્ર મામલો?

શુક્રવારે એક્ટર સૈફ અલી ખાન-ડિંપલ કાપડિયા અને અલી જીશાન આયૂબ સ્ટારર વેબ સીરીઝ તાંડવ રિલીઝ થઇ છે. આ સીરીઝમાં કેટલાક સીનને લઇને કેટલાક લોકોએ ખેદ વ્યક્ત કરી રહ્યા છે. હિંદુઓની ભાવનાને ઠેંસ પહોંચાડવામાં આવી હોવાનો દાવો કરવામાં આવી રહ્યો છે. સોશિયલ મીડિયા પર એક વર્ગ દ્વારા તાંડવ વિરૂદ્ધ માહોલ બનાવવાનું શરૂ કરી દીધું છે.  દાવો કરવામાં આવી રહ્યો છે કે, જીશાન આયૂબે આ સીરીઝમાં હિન્દુ દેવી-દેવતાઓનું અપમાન કર્યું છે. આના કારણે #BoycottTandav ટ્રેન્ડ કરી રહ્યું છે.

ભાજપે કરી હતી એક્શનની માંગ

ભાજપ સાંસદ મનોજ કોટકે કહ્યું કે, આ સીરીઝ દ્વાર હિન્દુઓની ધાર્મિક લાગણીઓને ઠેસ પહોંચાડવામાં આવી રહી છે. આ સીરીઝના મેકર્સ અને એક્ટર્સ વિરૂદ્ધ તાત્કાલિક ફરિયાદ દાખલ કરાવવામાં આવે. તેમણે આ મામલે સૂચના પ્રસારણ મંત્રી પ્રકાશ જાવડેકરને પત્ર લખ્યો હતો. જેમાં સીરીઝ પર એક્શન લેવાની વાત કરવામાં આવી.

આ પહેલા મહારાષ્ટ્રમાં ભાજપના ધારાસભ્ય રામ કદમે સૈફ અલી ખાન પર પ્રહાર કરતા કહ્યું કે, તેઓ ફરી એક વખત એવી વેબ સીરીઝનો ભાગ બન્યા છે, જેમાં હિંદુ ભાવનાઓને ઠેસ પહોંચાડવામાં આવી રહી છે. તેમણે આ બાબતે પોલીસમાં ફરિયાદ દાખલ કરાવી છે.

વિવાદનું કારણ શું છે?

તમને જણાવી દઇએ કે, સીરીઝમાં સૌથી વધુ જીશાન આયૂબનો એક વીડિયો શેર કરી તાંડવનો વિરોધ કરવામાં આવી રહ્યો છે. વીડિયોમાં આયૂબ ભગવાન શિવ બનીને કેટલીક એક્ટિંગ કરી રહ્યો છે. આ વીડિયોમાં જીશાન કેમ્પસના વિદ્યાર્થીઓની આઝાદીની વાત કરી રહ્યો છે. તે કહી રહ્યો છે કે, આ વિદ્યાર્થીઓને દેશમાં રહીને આઝાદી જોઇએ, દેશથી આઝાદી નથી જોતી. તાંડવના આ સીનને લઇને લોકોએ સોશિયલ મીડિયા પર આકરી નિંદા કરી છે.

મહત્વનું છે કે, પૉલિટિકલ ડ્રામા પર બેસ્ડ તાંડવમાં સૈફ અલી ખાન, જીશાન આયૂબની સાથે ડિમ્પલ કાપડિયા, ડીનો મોરિયા, તિગ્માંશૂ ધૂલિયા, સુનિલ ગ્રોવર અને ગૌહર ખાન સહિત અનેક મોટા એક્ટર લીડ રોલમાં છે. આ વેબ સીરીઝને OTT પ્લેટ ફોર્મ Amazon Prime વીડિયો પર રિલીઝ કરવામાં આવી છે. જોકે, સોમવારે એમે ઝોન પાસે સૂચના મંત્રાલયે તાંડવ વેબસીરીઝને લઇને જવાબ માગ્યો છે.