હેલ્થ / શરદી તાવ અને ગળામાં દુખાવાના સતત વધી રહ્યા છે કેસ, જાણી લો આવા કેસમાં શું કરવું અને શું નહીં

• લોકોને શ્વાસ લેવામાં થતી તકલીફ અંગે IMAનું નિવેદન
• Influenza નાં લક્ષણોમાં ઉધરસ- શરદી શિર્ષ સ્થાને
• લક્ષણો દેખાતાં એન્ટિબાયોટિકનો આંધળો ઉપયોગ ટાળવાની સલાહ

સમગ્ર દેશમાં કોવિડ જેવા લક્ષણો ધરાવતાં અનેક ઈન્ફેક્શન્સનાં મામલા વધી રહ્યાં છે જેના કારણે લોકોનાં મનમાં ડર બેસી ગયો છે. ઈન્ડિયન કાઉન્સિલ ઓફ મેડિકલ રિસર્ચ અને ઈન્ડિયન મેડિકલ એસોસિએશન અનુસાર કેટલાક લોકોને શ્વાસ લેવામાં તકલીફ થતી બિમારી Influenza A subtype H3N3 છે. વાયુ પ્રદૂષણ આવા કેસોની સ્થિતિ વધારે ખરાબ કરી રહ્યું છે. ઈન્ફ્લુએન્ઝાનાં કારણે લોકોને તાવ અને શ્વાસ લેવામાં મુશ્કેલી જેવી તકલીફો થતી હોય છે.

અન્ય સામાન્ય લક્ષણ

1. ઉધરસ
2. ઊલ્ટી
3. ગળું ખરાબ રહેવું 
4. શરીરમાં દુ:ખાવો
5. ઝાડા

શું કરવું જોઈએ?

1. નિયમિતરૂપે પાણી અને સાબુથી હાથ ધોવા.
2. ફેસ માસ્ક પહેરો અને ભીડવાળી જગ્યાએ ન જાઓ.
3. પોતાના નાક અને મુખને હાથ ધોયા વિના ન અડવું.
4. ઉધરસ અને છીંક સમયે નાક અને મોઢું ઢાંકવું.
5. સાદું ભોજન ખાવું
6. તાવ અને શરીરનાં દુ:ખાવા માટે પેરાસિટામોલ લેવું.

શું ન કરવું?

1. સાર્વજનિક રૂપે ક્યાંય થૂંકવું નહીં.
2. ડોક્ટરની સલાહ વગર દવા ન લો.
3. અન્ય લોકોની નજીક બેસીને જમવાનું ન જમો.

એન્ટિબાયોટિક દવાઓનાં આંધળા ઉપયોગ પર IMA ની સલાહ
ઈન્ડિયન મેડિકલ એસોસિએશન એ દેશભરમાં વધી રહેલા આવા ઈન્ફેક્શનનાં મામલાની વચ્ચે એન્ટિબાયોટિક દવાઓનો આંધળો ઉપયોગ કરવાથી બચવાની સલાહ આપી છે. IMAએ ડોક્ટરોને કેવળ લક્ષણાત્મક ઉપચાર જ Prescribe કરવા માટે કહ્યું છે, ન કે એન્ટિબાયોટિક્સ. મેડિકલ જાણકારે એક નિવેદનમાં કહ્યું કે 'અમે પહેલાં જ કોવિડ દરમિયાન Azithromycin અને Ivermectin નો વ્યાપક ઉપયોગ જોયો છે. એન્ટિબાયોટિક દવાઓને નિર્ધારિત કરવાથી પહેલાં એ જાણવું આવશ્યક છે કે ઈનફેક્શન બેક્ટેરિયલ છે કે નહીં. ' 

શું કહે છે એક્સપર્ટ 
ફોર્ટિસ મેમોરિયલ રિસર્ચ ઈન્સ્ટીટ્યુટ, ગુડગામમાં ઈન્ટરનલ મેડિસિનના નિર્દેશક ડૉ. સતીશ કોલે જણાવ્યું કે H3N2 અન્ય ઈન્ફ્લુએન્ઝા વાયરસની તુલનામાં વધારે ગંભીર લક્ષણ વાળું છે. જોકે આ એક નવો વાયરસ નથી. આ દશકોથી રહેલો છે. તેમણે કહ્યું કે આ વાયરસ 1968માં હોંગકોંગમાં મોટા પાયે મહામારીનું કારણ બન્યો હતો. 

તેમણે શેર કર્યું કે આ વાયરસથી પીડિત દર્દીઓને હંમેશા ઠંડી લાગવાથી સાથે તાવ આવવાની શરૂઆત થઈ જાય છે અને સતત ખાંસી થાય છે. જે ઘણા દિવસો સુધી રહે છે.