BIG NEWS / મોંઘવારીનો માર: તેલંગણામાં સૌથી વધારે ફુગાવો, જોઈ લો ગુજરાતમાં શું છે મોંઘવારીના આંકડા

• મોંઘવારીના મારથી સમગ્ર દુનિયા પરેશાન
• જૂન મહિનામાં છૂટક અને જથ્થાબંધ મોંઘવારીમાં આંશિક રાહત
• જોઈ લો રાજ્યવાર મોંઘવારીના આંકડા

મોંઘવારીના મારથી હાલ સમગ્ર દુનિયા ઝઝૂમી રહી છે. અમેરિકામાં પણ હાલ 41 વર્ષની સૌથી ટોચ પર મોંઘવારી છે. દુનિયાના મોટા ભાગના દેશોમાં દાયકાની સૌથી ઉચ્ચત્તમ મોંઘવારીથી પરેશાન છે. ભારતમાં જૂન મહિના દરમિયાન છૂટક મોંઘવારી અને જથ્થાબંધ મોંઘવારી બંનેમાં રાહત જોવા મળી હતી. જો કે, હાલમાં દેશમાં મોંઘવારી ખૂબ છે, અને કેટલાય વર્ષના ઉચ્ચ સ્તર પર બનેલી છે. મોંઘવારીની માર રાજ્યોના હિસાબે લોકો પર અલગ અલગ પડી રહી છે. જ્યાં તેલંગણામાં તેના દર સૌથી વધારે છે, તો મણિપુરમાં લોકો પર તેની સૌથી ઓછી અસર થઈ રહી છે. 

તાજા આંકડા અનુસાર જૂન મહિનામાં જથ્થા મોંઘવારીનો દર 15.18 ટકા રહ્યો હતો. આ મે મહિનામાં 15.88 ટકાની સરખામણીએ ઓછો હતો. વર્ષ પહેલાની સરખામણીમાં મોંઘવારી ઠીક ઠીક ઉપર છે. જૂન 2021માં જથ્થાબંધ મોંઘવારી દર 12.07 ટકા રહી હતી. જે સતત ત્રીજો એવો મહિનો છે, જ્યાં જથ્થાબંધ મોંઘવારી દર 15 ટકાને પાર કરી ગયો હતો, એપ્રિલ 2022માં જથ્થાબંધ મોંઘવારી દર વધીને 15.08 ટકા રહ્યો હતો. ત્યાર બાદ મે મહિનામાં મોંઘવારી દરે નવો રેકોર્ડ બનાવ્યો હતો. જો કે, જૂનમાં આંકડામાં થોડી રાહત મળવાના સંકેત મળી રહ્યા હતા. વર્ષ 1998 બાદ આવું પહેલી વાર બન્યું છે, જ્યારે જથ્થાબંધ મોંઘવારી દર 15 ટકાને પાર નિકળી ગયો છ.ે આ અગાઉ વર્ષ 1998માં ડિસેમ્બરમાં જથ્થાબંધ મોંઘવારી દર 15 ટકાની ઉપર રહ્યો હતો. 

ભારતનો છૂટક મોંઘવારી દરમાં પણ ઘટાડો આવવા લાગ્યો છે. જૂન મહિનામાં છુટક મોંઘવારી દર 7.01 ટકા રહ્યો, જે મે મહિના કરતા 0.3 ટકા ઓછું છે. મેમાં છૂટક મોંઘવારી દર 7.04 ટકા રહ્યો હતો. જો કે, છુટક મોંઘવારી દર સતત છઠ્ઠા મહિને ભારતીય રિઝર્વ બેંકના નિર્ધારિત ટાર્ગેટની મર્યાદા કરતા ઉપર છે. એપ્રિલ મહિનામાં છૂટક મોંઘવારી દર 7.79 ટકા રહ્યો હતો. રિઝર્વ બેંકે છુટક મોંઘવારી દરના હિસાબે નીતિગત દર પર નિર્ણય લીધો છે. તો વળી બીજી બાજૂ દુનિયાની સૌથી મોટી અર્થવ્યવસ્થાવાળા દેશ અમેરિકાની વાત કરીએ તો, ત્યાં જૂન મહિનામાં મોંઘવારી દર વધીને 9.1 ટકા પર પહોંચી ગયો છે. જે છેલ્લા 41 વર્ષમાં સૌથી વધારે છે.  

રાજ્યોના હિસાબે મોંઘવારી દર (ટકાવારીમાં)