ટેક્સી / મોંઘવારીનો માર : હવે કેબ સર્વિસ થશે મોંઘી ! CNGના ભાવ 70 રુપિયા થવાની અસર

• હવે કેબ સર્વિસ મોંઘી થવાના આસાર
• ઓલા અને ઉબેરે ભાડા વધારવાની કરી માગ
• 18 એપ્રિલથી હડતાળ પર ઉતરશે ઓટો, કેબ અને ટેક્સી ચાલકો
• CNGના ભાવ 70 રુપિયા થવાની અસર 

સીએનજીના સતત વધતા ભાવની અસર ટૂંક સમયમાં ઓલા, ઉબેર અને અન્ય કેબ સેવાઓના ભાડા પર જોવા મળી શકે છે. ઉદ્યોગના સૂત્રોએ જણાવ્યું હતું કે સીએનજીના ઝડપથી વધી રહેલા ભાવ અને કેબ ડ્રાઇવરોના વિરોધને ધ્યાનમાં રાખીને કેબ સેવાઓ પૂરી પાડતી કંપનીઓએ ભાડામાં વધારો કરવાની તૈયારી કરી લીધી છે. કંપનીઓ દ્વારા ગમે ત્યારે તેની જાહેરાત કરી શકાય છે.

એક મહિનામાં સીએનજીના ભાવમાં 10 વખત વધારો

ઉલ્લેખનીય છે કે એક મહિનામાં સીએનજીના ભાવમાં 10 વખત વધારો કરવામાં આવ્યો છે. આ કારણે દિલ્હીમાં સીએનજી 13.1 રૂપિયા પ્રતિ કિલો મોંઘુ થઈ ગયું છે. દિલ્હીમાં સીએનજીની કિંમત 69.11 રૂપિયા પ્રતિ કિલો થઈ ગઈ છે. સાથે જ સીએનજીમાં એક વર્ષમાં 25.71 રૂપિયા પ્રતિ કિલો એટલે કે 60 ટકાનો વધારો કરવામાં આવ્યો છે.

18 એપ્રિલથી હડતાળ પર ઉતરશે ઓટો, કેબ અને ટેક્સી ચાલકો
સીએનજીના વધતા ભાવથી નારાજ ઓટો, કેબ અને ટેક્સી ચાલકોએ 18 એપ્રિલથી અચોક્કસ મુદ્દતની હડતાળ પર જવાની જાહેરાત કરી છે. ડ્રાઇવરોનું કહેવું છે કે જો સરકાર બળતણ પર સબસિડી નહીં આપે અથવા ભાડામાં વધારો નહીં કરે તો તેઓ હડતાલ પર ઉતરશે. ઓટો, કેબ અને ટેક્સી ડ્રાઇવરોનું સંગઠન કેન્દ્ર અને રાજ્ય સરકાર વિરુદ્ધ શુક્રવારે જંતર-મંતર પર વિરોધ પ્રદર્શન કરશે. આ ઉપરાંત સીએનજીના વધતા ભાવ સામે એસોસિએશન 11 એપ્રિલે દિલ્હી સચિવાલય ખાતે ધરણા પણ કરશે. સર્વોદય ડ્રાઇવર વેલ્ફેર એસોસિએશનના સભ્ય રવિ રાઠોડે જણાવ્યું હતું કે, "છેલ્લા 7-8 વર્ષથી ઓલે અને ઉબેરના ભાવમાં વધારો કરવામાં આવ્યો નથી.