ગુજરાતના 2030ના સસ્ટેનેબલ ડેવલોપમેન્ટ ગોલ્સના ટાર્ગેટમાં શિક્ષણની ગુણવત્તા, સમાનતા સ્થાપવાના પ્રયત્નોમાં અને ભૂખમરી નિવારણમાં મોટા પ્રમાણમાં આંચકો આવ્યો છે. આ આંકડા બીજા રાજ્યો કરતા ઠીકઠાક પ્રમાણમાં સારા છે પણ ગુજરાત તેના સરેરાશ SDG ગુણોને 2018ની સરખામણીમાં 2019માં સુધારીને ઉપર લાવવામાં નિષ્ફ્ળ રહ્યું હતું અને બંને વર્ષનો આંકડો એકસરખો એટલે કે કુલ 100 માંથી 64 ગુણ જેટલો રહ્યો હતો.
સોમવારે દિલ્હીમાં જાહેર કરવામાં આવેલ આંકડા અનુસાર 2019માં ગયા વર્ષ 2018ની સરખામણીમાં રાજ્યમાં શિક્ષણની ગુણવત્તામાં 20 અંક, સમાનતા સ્થાપવાના પ્રયત્નોમાં 20 અંક અને ભૂખમરી નિવારણમાં 10 અંકનું તોતિંગ ગાબડું પડ્યું હતું.
સસ્ટેનેબલ ડેવલપમેન્ટ ગોલ્સ
2018
2019
ફેરફાર
ગરીબી નિવારણ
48
47
-1
ભૂખમરી નિવારણ
49
39
-10
આરોગ્ય અને સ્વાસ્થ્ય
52
67
15
શિક્ષણ ગુણવત્તા
67
47
-20
જાતીય સમાનતા
31
36
5
ચોખ્ખું પાણી અને સ્વચ્છતા
100
92
-8
પ્રદૂષણ મુક્ત અને સસ્તા ઉર્જા સંસાધન
67
75
8
રોજગાર અને અર્થતંત્રની વૃદ્ધિ
80
75
-5
ઈન્ડસ્ટ્રી ઇનોવેશન અને ઈન્ફ્રાસ્ટ્રક્ચર
65
88
23
અસમાનતામાં ઘટાડો
79
59
-20
સસ્ટેનેબલ શહેરો અને આવાસો
52
77
25
સુરક્ષા, ન્યાય અને કાયદો વ્યવસ્થા
73
86
13
સરેરાશ અંક
64
64
0
આ ક્ષેત્રોમાં સુધાર
જો કે આ સાથે જ ઇન્ડસ્ટ્રી ઇનોવેશન અને ઈન્ફ્રાસ્ટ્રક્ચર, સસ્ટેનેબલ શહેરો અને આવાસો તથા આરોગ્ય આ વિભાગોમાં રાજ્યના સસ્ટેનેબલ ડેવલપમેન્ટ ગોલ્સના અંકમાં ગયા વર્ષ કરતા સુધારો થયો છે. આ સાથે ગુજરાતનો સરેરાશ અંક 100 માંથી 64 આવ્યો છે. આ સાથે દેશમાં ગુજરાતનો છઠ્ઠો ક્રમ આવ્યો છે.
આ ઉપરાંત રાજ્ય ગરીબી નિવારણ, ચોખ્ખું પાણી અને સ્વચ્છતા, અર્થતંત્રની વૃદ્ધિ જેવા વિભાગોમાં પણ પીછેહઠ નોંધાવી હતી.
સસ્ટેનેબલ ડેવલોપમેન્ટ ગોલ્સ ના મામલે આ છે ગુજરાતનો ઓવરવ્યુ
2018ની સરખામણીમાં ગુજરાતના સરેરાશ આંકમાં સુધારો થયો નથી.
ગુજરાતનો દેશમાં આ આંક સાથે 6ઠ્ઠો ક્રમ આવે છે જે મામલે ગુજરાત અને મહારાષ્ટ્ર બંનેના સરખા અંક છે.
ફક્ત 8 રાજ્યો : કેરળ, હિમાચલ પ્રદેશ, આંધ્રપ્રદેશ, તમિલનાડુ, તેલંગાણા, કર્ણાટક, સિક્કિમ અને ગોવા આટલા જ રાજ્યોના 2019ના આંકમાં ગયા વર્ષ કરતા સુધાર જોવા મળ્યો હતો.
ગુજરાતે ચોખ્ખું પાણી અને સ્વચ્છતા વિભાગમાં 2018માં 100માંથી 100 ગુણ મેળવ્યા હતા જયારે 2019માં તેમાં 8 અંક ઘટ્યા હતા.