ભારત અને પાકિસ્તાન વચ્ચે આજે સેમીફાઈનલ મેચ યોજાઈ હતી. ભારત અને પાકિસ્તાન વચ્ચે જે મેચ થાય તેમાં ખેલાડીઓ હંમેશા દબાણમાં રહે છે ત્યારે આ દબાણના કારણે જ મોટી ભૂલ કરતા હોય છે. અન્ડર 19 વર્લ્ડ કપ સેમીફાઈનલમાં પણ આવી જ એક ભૂલ જોવા મળી. પાકિસ્તાનના કેપ્ટન રોહેલ નજીરે પોતાના જ વિસ્ફોટક ખેલાડી કાસીમ અકરમને રન આઉટ કરાવી દીધો.
સેમીફાઈનલ મુકાબલામાં પાકિસ્તાની ખેલાડીઓએ કરી ભૂલ
સોશિયલ મીડિયામાં વીડિયો વાયરલ
આજની મેચમાં ભારત જીત્યું તો વર્લ્ડ ચેમ્પિયન બનવા તરફ ભરશે વધુ એક પગલું
સેમીફાઈનલની 31 ઓવરમાં પાકિસ્તાનબ બેટ્સમેન કાસીમે ધીમો શોટ માર્યો અને રન લેવા પ્રયત્ન કર્યો. રોહેલ નજીર પણ રન લેવા દોડ્યા પરંતુ અચાનક જ પાકિસ્તાનના કેપ્ટને મન બદલી નાખ્યું અને પાછળની તરફ જ દોડવા લાગ્યાં. તરત જ ભારતીય ફિલ્ડર અંકોલેકરે વિકેટકિપર ધ્રુવ જુરેલને થ્રો આપ્યો અને કાસીમને આઉટ કરી દીધો. જયારે રોહેલ નજીર પોતાની બીજી ક્રીઝમાં પહોંચી ગયા હતા.
કેપ્ટન રોહેલ નજીરે ધીમી ગતિએ રન કર્યા જોકે અર્ધશતક પૂરો કર્યો હતો. તેઓ 62 રન કરવા માટે 102 બોલ રમ્યા. સુશાંત મિશ્રાએ તેમનો વિકેટ લીધો હતો. પાકિસ્તાનની ટીમ 50 ઓવર રમે તે પહેલા જ ઓલઆઉટ થઇ ગઈ.