IPLIN
 

ક્રિકેટ / INDvsENG-પિન્ક બોલ ટેસ્ટ માટે ટીમ ઈન્ડિયા મોટેરા જવા રવાના, રાષ્ટ્રપતિ અને ગૃહમંત્રી સ્ટેડિયમમાં હાજર

Team VTV 01:24 PM, 24 Feb 21
Follow us
INDvsENG-Team india is on way for the pink ball test

ભારત અને ઈંગ્લેન્ડ વચ્ચે ચાર મેચની સિરીઝની ત્રીજી મેચ વિશ્વનાં સૌથી મોટા ક્રિકેટ સ્ટેડિયમ અમદાવાદના મોટેરાનાં મેદાનમાં રમાવા જઈ રહી છે. આ ટેસ્ટ મેચ ડે-નાઈટ ફોર્મેટમાં રમાશે.

  • રાષ્ટ્રપતિનાં હસ્તે ક્રિકેટ સ્ટેડિયમનું ઉદઘાટન કરાયું
  • સ્ટેડિયમનું નામ બદલીને નરેન્દ્ર મોદી સ્ટેડિયમ રખાયુ
  • મોટેરા વિશ્વનું સૌથી મોટુ ક્રિકેટ સ્ટેડિયમ છે 

મોટેરા સ્ટેડિયમનું નામ બદલવામાં આવ્યું

ભારત અને ઈંગ્લેન્ડ વચ્ચે ડે-નાઇટ મેચ પહેલા ભારતનાં રાષ્ટ્રપતિ રામનાથ કોવિંદનાં હસ્તે વિશ્વનાં સૌથી મોટા ક્રિકેટ સ્ટેડિયમનું ઉદઘાટન કરવામાં આવશે. જેમની સાથે કેન્દ્રિય ગૃહમંત્રી અમિત શાહ પણ આ કાર્યક્રમમાં ઉપસ્થિત રહ્યાં છે. મોટેરા સ્ટેડિયમની અંદર આંતરરાષ્ટ્રીય કક્ષાનાં સ્પોર્ટ્સ એન્ક્લેવ બનશે જેનું ભૂમીપૂજન રાષ્ટ્રપતિ રામનાથ કોવિંદ દ્વારા કરવામાં આવ્યું. સરદાર પટેલ સ્ટેડિયમનું નામ બદલીને નરેન્દ્ર મોદી સ્ટેડિયમ કરવામાં આવ્યુ છે. 

 

2 વાગે ટોસ ઉછાળાશે

ભારત અને ઈંગ્લેન્ડ વચ્ચે ત્રીજી ટેસ્ટ મેચ 2.30 કલાકે શરુ થશે. જેનો ટોસ 2 કલાકે ઉછાળવામાં આવશે. હાલ ટેસ્ટ સિરીઝમાં ભારત અને ઈંગ્લેન્ડની ટીમો 1-1ની બરાબરી પર છે. ત્રીજી ટેસ્ટ મેચ માટે બીસીસીઆઈએ પણ ઉત્સુકતા રજૂ કરી છે અને ટ્વીટ કરીને મોટેરા સ્ટેડિયમની તસવીરો શેર કરી છે.

બંને ટીમો જીત માટે મરણીયો પ્રયાસ કરશે

ભારતીય ટીમ આ મેચ કોઈ પણ પ્રકારનું જોખમ ખેડ્યા વગર હારથી બચવા ઈચ્છશે. આગામી બે ટેસ્ટ મેચો બંને ટીમો માટે ખૂબ જરુરી છે જેથી બંને ટીમો જીત માટે મરણીયો પ્રયાસ કરશે. આ મેચોમાં જે પણ ટીમ હારશે તે ટીમને વર્લ્ડ ટેસ્ટ ચેમ્પિયનશિપની ફાઇનલમાં પહોંચવુ મુશ્કેલ બનશે. મોટેરનાં સ્ટેડિયમમાં નવા પ્રકારે તૈયાર કરાયેલ પીચ ભારતીય ટીમ માટે સંપૂર્ણ રીતે નવી રહેશે. અત્યારસુધી ભારતીય ટીમે પિન્ક બોલથી ફક્ત બે જ ટેસ્ટ મેચો રમી છે.

ઈશાંત રમશે તેની 100મી ટેસ્ટ 

આ મેચમાં ઈશાંત શર્મા તેની 100મી ટેસ્ટ મેચ રમશે. કપિલ દેવ બાદ આ ઉપલબ્ધિ હાંસલ કરનાર તે બીજો ભારતીય બોલર બનશે. સચિન તેન્ડુલકરે જ્યાં ટેસ્ટ મેચોમાં બેવડી સદી પૂરી કરી હતી ત્યાં રવિચંદ્રન અશ્વિન 400 વિકેટ લેનારનાં ક્લબમાં સામે થવાનો પ્રયાસ કરશે. જે ક્લબમાં સામેલ થવા માટે અશ્વિન ફક્ત 6 વિકેટ દૂર છે.

મોટેરા સ્ટેડિયમની ખાસિયતો 

800 કરોડથી પણ વધુના ખર્ચે તૈયાર કરાયું છે સ્ટેડિયમ        
ખેલાડીઓ માટે 4 ડ્રેસિંગ રૂમ તૈયાર કરાયા છે.        
સ્ટેડિયમમાં કુલ 1.32 લાખ લોકો સાથે મેચ જોઇ શકે છે        
કુલ 76 કોર્પોરેટ બોક્સ પણ તૈયાર કરવામાં આવ્યા છે        
મેદાન પર કુલ 11 પીચ છે જેને લાલ અને કાળી માટી દ્વારા તૈયાર કરવામાં આવી છે        
મેદાનમાં ફ્લડ લાઈટ્સની ઉંચાઈ 90 મીટર છે. એટલે કે 25 માળ ઉંચી બિલ્ડીંગ બરાબર        
આ મેદાનની નીચે સબ સર્ફેલ ડ્રેનેઝ સિસ્ટમ બનાવવામાં આવ્યું છે        
વરસાદ હોવાની સ્થિતિમાં મેદાનને ફરી 30 મિનિટમાં જ તૈયાર કરવામાં આવી શકે        
ક્રિકેટ સિવાય ફૂટબોલ, હોકી, ખોખો, કબડ્ડી, વોલીબોલ, બાસ્કેટબોલ, નેટબોલ, ટેનિસ, બેડમિન્ટન જેવી સ્પર્ધાઓ પણ યોજાય શકે છે        

INDvsENG test cricket motera stadium naredra modi stadium Cricket ટેસ્ટ ક્રિકેટ મોટેરા સ્ટેડિયમ નરેન્દ્ર મોદી સ્ટેડિયમ ક્રિકેટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ