આખી મેચમાં અક્ષર પટલે 11 અને આર.અશ્વિને 7 વિકેટ ઝડપી
અમદાવાદના નરેન્દ્ર મોદી સ્ટેડિયમની પહેલી મેચ ભારતે 10 વિકેટે જીતી લીધી છે. ભારતની ઈંગ્લેન્ડ સામે ઐતિહાસિક જીત થઇ છે. આખી મેચમાં અક્ષર પટલે 11 અને આર.અશ્વિને 7 વિકેટ ઝડપી છે. અક્ષર અને અશ્વિન મેચના રિયલ હિરો બન્યા. ઈંગ્લેન્ડનો ભારત સામે સૌથી ઓછો સ્કોર 81 રન નોંધાયો છે. ડે-નાઈટ ટેસ્ટના ઈતિહાસમાં સૌથી વધુ વિકેટ અક્ષરે ઝડપી છે. WTCમાં ભારત એન્ટ્રીથી નજીક પહોંચ્યું છે.
અમદાવાદ ટેસ્ટમાં ભારતનો ભવ્ય વિજય. ટેસ્ટ મેચનાં ઈતિહાસમાં બીજા જ દિવસે જીતનું પરિણામ આવ્યું હોય તેવી એકમાત્ર ટેસ્ટ મેચ બની. ભારતને જીત માટે 49 રન જરુરી હતા જેનાં જવાબમાં ભારતની ઓપનિંગ જોડી રોહિત શર્મા અને શુભમન ગીલે તે રન સરળતાથી બનાવી લીધા હતા. રોહિત શર્માએ સિક્સર ફટકારીને 49 રનનું લક્ષ્ય હાંસલ કરી લીધુ.
વોશિંગ્ટન સુંદરે તેની પહેલી વિકેટ ઝડપી. જેમ્સ એન્ડરસનનો કેચ વિકેટકીપર રિષભ પંતે પકડીને ઈંગ્લેન્ડની છેલ્લી વિકેટ ખેરવી અને ઈંગ્લેન્ડની પૂરી ટીમ બીજી ઈનિંગમાં 81 રને ઓલઆઉટ થઈ ગઈ. હવે ભારતને જીત માટે 49 રનની જરુર છે.
અક્ષર પટેલે ઈંગ્લેન્ડની પહેલી ઈનિંગ બાદ બીજી ઈનિંગમાં પણ પાંચ વિકેટ લેવાની સિદ્ધી પ્રાપ્ત કરી લીધી છે અને બેન ફોક્સનાં રુપમાં ઈંગ્લેન્ડની આઠમી વિકેટ ખેરવી દીધી છે. ઈંગ્લેન્ડ 80 રન પર 8 વિકેટ ગુમાવી ચૂક્યુ છે.
ટેસ્ટ ક્રિકેટમાં રવિચંદ્રન અશ્વિને પોતાની 400 વિકેટ પૂરી કરી
જોફ્રા આર્ચરનાં રુપમાં રવિચંદ્રન અશ્વિને તેની 400 વિકેટ પૂરી કરી છે. ઈંગ્લેન્ડનાં 68 રનનાં સ્કોર પર અશ્વિને જોફ્રા આર્ચરને એલબીડબલ્યુ આઉટ કરીને ઈંગ્લેન્ડની સાતમી વિકેટ ખેરવી દીધી છે.
66 રનનાં સ્કોર પર જ્યારે ઈંગ્લેન્ડની ટીમ રમી રહી હતી ત્યારે બેટ્સમેન ઓલી પોપને રવિચંદ્રન અશ્વિને ક્લિક બોલ્ડ કરીને ઈંગ્લેન્ડની છઠ્ઠી વિકેટ પાડી દીધી છે. રવિચંદ્રન અશ્વિન ટેસ્ટ ક્રિકેટમાં તેની 400 વિકેટ પૂરી કરવા માટે માત્ર 1 વિકેટ દૂર છે.
રવિચંદ્રન અશ્વિને ફરી એકવાર બેન સ્ટોક્સને આઉટ કર્યો. 25 રને રમી રહેલા બેન સ્ટોકને અશ્વિને એલબીડબલ્યુ આઉટ કર્યો હતો. ત્યારે ઈંગ્લેન્ડનો સ્કોર 50 રન પર ચાર વિકેટ હતો.
ઈંગ્લેન્ડે શૂન્ય રને 2 વિકેટ ગુમાવી
ભારતની ઈનિંગ 145 રનમાં સમેટાયા બાદ ઈંગ્લેન્ડની ટીમ તેની બીજી ઈનિંગ રમવા મેદાનમાં ઉતરી અને પહેલી ઓવરનાં પહેલા બે બોલમાં અક્ષર પટેલે ઈંગ્લેન્ડને મોટા ઝટકા આપ્યા. જેક ક્રાઉલી બાદ જોની બેરસ્ટોને પણ એક પછી એક બોલમાં આઉટ કરીને ઈંગ્લેન્ડનાં સ્કોરને શરુ થતા પહેલા 2 વિકેટ ખેરવી દીધી.
ત્રીજી ટેસ્ટનાં બીજા દિવસે ભારત બેટીંગમાં લથડાતુ જોવા મળ્યું. ભારતની વિકેટો સસ્તામાં પડતી રહી અને ઈંગ્લેન્ડનાં બોલર્સ એક પછી એક વિકેટ ખેરવતા રહ્યા. ઈંગ્લેન્ડનાં કેપ્ટન અને પાર્ટટાઇમ બોલર જો રુટે ભારતની પાંચ વિકેટ ખેરવી નાંખી હતી. રુટની સાથે જેક લીચે પણ ભારતની 4 વિકેટ ખેરવી હતી. ભારતનાં બેટ્સમેનો ઈંગ્લેન્ડની બોલિંગમાં ઝઝુમતા જોવા મળ્યા હતા. ભારત તરફથી સર્વાધિક રન રોહિત શર્માએ બનાવ્યા હતા. ભારતની છેલ્લી વિકેટ જસપ્રીત બુમરાહની પડી હતી. બુમરાહ ફક્ત 1 રન બનાવી શક્યો હતો.
ઈંગ્લેન્ડનાં પાર્ટટાઈમ બોલર એવા જો રુટે એક જ ઓવરમાં ભારતની બે વિકેટ ખેરવી નાંખી છે. વોશિંગ્ટન સુંદર બાદ અક્ષર પટેલને પણ તેણે આઉટ કરી દીધો છે. ભારતનો સ્કોર 125-8 પહોંચ્યો.
વોશિંગ્ટન સુંદર શૂન્ય રને આઉટ થયો, ભારતનો સ્કોર 125-7 થયો છે. ઈંગ્લેન્ડનાં કેપ્ટન જો રુટે બીજી વિકેટ વોશિંગ્ટન સુંદરને ક્લિન બોલ્ડ કરીને લીધી. ભારતે હાલ નજીવા 13 રનની લીડ સાથે રમી રહ્યું છે.
ત્રીજી ટેસ્ટનાં બીજા દિવસે ભારતની મુશ્કેલીઓ વધતી જોવા મળી રહી છે. શરુઆતી સેશનમાં જ ભારતે સસ્તામાં 3 વિકેટો ગુમાવી દીધી છે. જેમાં રોહિત બાદ તરત આવેલા રિષભ પંતની વિકેટ પણ ફક્ત 1 રનમાં આઉટ થઈ ગયો હતો.
ભારતની પહેલી ઈનિંગમાં પાંચમી વિકેટ રોહિત શર્માનાં નામે પડી ગઈ છે અને રોહિત 66 રને આઉટ થઈ ગયો છે. હાલ ભારતે ઈંગ્લેન્ડ સામે 3 રનની લીડ મેળવી લીધી છે અને 115નો સ્કોર કરીને 5 વિકેટ ગુમાવી છે.
ભારત અને ઈંગ્લેન્ડ વચ્ચે રમાઈ રહેલી ત્રીજી ટેસ્ટ મેચનો આજે બીજો દિવસ શરુ થઈ ચૂક્યો છે. રોહિત શર્મા 57 અને અજિંક્ય રહાણેએ 1 રન હતા ત્યારે પહેલા દિવસનો અંત આવ્યો હતો અને ભારતનો સ્કોર 99 રન પર 3 વિકેટ હતી. જે સ્કોરને આગળ ધપાવતા રોહિત અને રહાણેએ ત્રીજી ટેસ્ટનાં બીજા દિવસે ભારતીય ઈનિંગની શરુઆત કરી હતી.
ઈંગ્લેન્ડને સસ્તામાં ઓલઆઉટ કર્યાં બાદ ભારતને પહેલા જ દિવસે તેની પ્રથમ ઈનિંગ શરુ કરવાની તક મળી હતી. જેમાં રોહિત અને ગીલે એક ધીમી શરુઆત કરવા છતાં ગીલ પોતાની વિકેટ લાંબી ના ટકાવી શક્યો અને 11 રન કરીને આઉટ થયો હતો ગીલની વિકેટ પડ્યાં બાદ જ્યારે ભારતની દિવાલ ગણાતા ચેતેશ્વર પૂજારા બેટીંગ પર આવ્યો ત્યારે તેને શૂન્યમાં આઉટ કરવામાં ઈંગ્લેન્ડ સફળ રહ્યું હતું. ભારતે શરુઆતમાં જલ્દી વિકેટ ગુમાવ્યા બાદ સ્થિતિને સંભાળવા કેપ્ટન ક્રિઝ પર આવ્યો જેણે થોડો સમય રોહિત શર્મા સાથે પસાર કર્યો પણ પહેલા દિવસનાં અંત સુધી તે વિકેટ બચાવવામાં અસફળ રહ્યો અને ફરી એકવાર જેક લીચનાં બોલ પર ક્લિન બોલ્ડ થઈ ગયો હતો.
ઈંગ્લેન્ડ 112માં સમેટાયુ
ત્રીજી ટેસ્ટનાં પહેલા દિવસે વિશ્વનાં સૌથી મોટા ક્રિકેટ સ્ટેડિયમ ખાતે ઈંગ્લેન્ડની ટીમને ભારતે ફક્ત 112 રન પૂરતી સિમિત કરી દીધી હતી. જેમાં અક્ષર પટેલે 6 વિકેટ અને રવિચંદ્રન અશ્વિને 3 વિકેટ તેમજ ઈશાંત શર્માએ 1 વિકેટ ઝડપી હતી. ઈંગ્લેન્ડ તરફથી હાઇએસ્ટ સ્કોર કરનાર જેક ક્રાઉલી હતો જેણે 53 રન કર્યા હતા. જ્યારે ઈંગ્લેન્ડનાં 7 પ્લેયર્સ 10નો આંકડો પાર નહોતા કરી શક્યા જેમાં 3 ખેલાડી શૂન્યમં આઉટ થઈ ગયા હતા.