Ind vs SA / 'હિટમેન' રોહિતની તોફાની બેટિંગ, ટેસ્ટ કરિયરની પહેલી બેવડી સદી ફટકારી

• India vs South Africa: રાંચી ટેસ્ટ  બીજો દિવસ
• રોહિત એક સીરિઝમાં 500 રન કરનાર પાંચમો ભારતીય ઓપનર બન્યો, દ.આફ્રિકા સામે 500 કરનાર પ્રથમ ભારતીય
• ટેસ્ટ ચેમ્પિયનશિપ માટે ભારતની નજર 40 ક્રમ પર 

ભારત દક્ષિણ આફ્રિકાની સામે રાંચીમાં રમવામાં આવી રહેલી સીરિઝની ત્રીજી અને છેલ્લી ટેસ્ટમાં રોહિત શર્માએ તાબડતોડ બેટિંગ કરતાં પોતાની ટેસ્ટ કરિયરની પહેલી બેવડી સદી ફટકારી છે. ટેસ્ટના પહેલા દિવસે રોહિતે શાનદાર સેન્ચ્યુરી ફટકારી હતી. 

Take a bow, HITMAN 💯💯

An absolutely sensational innings from @ImRo45 as he brings up his double ton here in Ranchi. pic.twitter.com/zqLCCfQzqX

— BCCI (@BCCI) October 20, 2019

રોહિતે આ સીરિઝમાં બે સેન્ચ્યુરી ફટકારી હતી અને આજે પોતાની ત્રીજી સેન્ચ્યુરીને બેવડીમાં બદલી કરી. રોહિતે આ મેચમાં પોતાના ટેસ્ટ કરિયરના બે હજાર રન પણ પૂરા કરી લીધા છે અને સાથે જ ટેસ્ટ મેચની એક સીરિઝમાં સૌથી વધારે છગ્ગા ફટકારવાનો રેકોર્ડ પણ પોતાના નામે કર્યો છે. રોહિતે પોતાની ડબલ સેન્ચ્યુરીમાં 28 ચોગ્ગા અને પાંચ છગ્ગા ફટકાર્યા. 

બેવડી સદીની સાથે રોહિત શર્મા એક ટેસ્ટ સીરિઝમાં 500 રન બનાવનાર પાંચમો ભારતીય ઓપનર બની ગયો છે. હિટમેન પહેલપા વિનોજ માંકડ, બુદ્ધિ કુંદરેમ, સુનીલ ગાવસ્કર અને વીરેન્દ્ર સહેવાગે એક ટેસ્ટ સીરિઝમાં 500 રન બનાવ્યા છે. ગાવસ્કરે આ ઉપલબ્ધિ પાંચ વખત મેળવી છે. એને પાંચ ટેસ્ટ સીરિઝમાં 500 રન બનાવ્યા હતા. રોહિતે આ સીરિઝમાં અત્યાર સુધી 521 રન બનાવ્યા છે. 

Bad Light forces early call of play. #TeamIndia 224/3 with Rohit on 117* & Rahane on 83*. Join us for Day 2 tomorrow #INDvSA @Paytm pic.twitter.com/HacyRwPl2m

— BCCI (@BCCI) October 19, 2019