નિયમ / લૉકડાઉન 3.0 બાદ ઔદ્યોગિક એકમોમાં માલિકોથી લઇ મજૂરો સુધી, દરેકે પાળવા પડશે આ નિયમો

• લૉકડાઉન 3.0 બાદ ફેક્ટ્રી માટે કરાયા નિયમો જાહેર
• પહેલાં જ અઠવાડિયામાં કામનું ભારણ ન વધારવું
• મશીનોની તપાસ કર્યા બાદ સુરક્ષા સાથે કામ શરૂ કરવું

લૉકડાઉન બાદ છૂટ આપતી સમયે દેશમાં 2થી 3 ઔદ્યોગિક પ્લાન્ટમાં થયેલી ઘટનાઓને ધ્યાનમાં રાખીને સુરક્ષા માટેની કેન્દ્ર તરફથી ખાસ સૂચનાઓ આપવામાં આવી છે. ઔદ્યોગિક સેવાઓ માટે ખાસ સૂચનો સાથે સરકારે સતર્કતા રાખવા કહ્યું છે. નેશનલ ડિઝાસ્ટર મેનેજમેન્ટ ઓથોરિટીની તરફથી જાહેર કરાયેલા દિશા નિર્દેશોને લઈને જિલ્લા પ્રશાસનની ભૂમિકા નક્કી કરવામાં આવી છે. 

સામાન્ય નિયમો અને સૂચનો

1. લોકડાઉન ખૂલ્યા બાદ ઉદ્યોગો શરૂ થયા તો પહેલા અઠવાડિયામાં ટ્રાયલ સમય રાખવામાં આવે અને દરેક સુરક્ષાના પગલાંનું પાલન કરવામાં આવે. પહેલાં અઠવાડિયામાં ઉત્પાદનના લક્ષ્યાંકનું ભારણ રાખવામાં ન આવે.

2. ખતરાની આશંકાને ઘટાડવા મામટે કર્મચારીઓ સતર્કતા રાખે તે જરૂરી છે. મશીન પર કામ કરે છે તેને ચેક કરવાની જરૂર છે. કર્મચારી કે સ્ટાફ કે એન્જિનિયર મશીનોથી આવનારા અવાજ, સ્મેલ કે વાઈબ્રેશન, ધુમાડાનું ધ્યાન રાખે અને તરત જ તેને રીપેર કરાવે. જરૂર જણાય તો પ્લાન્ટ પણ બંધ કરે તેવું સૂચન કરાયું છે. 

3. દરેક મશીનનું યોગ્ય સમયે પરીક્ષણ કરાવવામાં આવે. 

4. કોઈ કારખાનામાં સમસ્યા આવી રહી છે તો સ્થાનિક સ્તરે તેનો ઉપાય ન મળે તો ફેક્ટ્રી પ્રબંધનને જિલ્લા મેજિસ્ટ્રેટને સંપર્ક કરો. 

વિશેષ ઉદ્યોગો માટે દિશા નિર્દેશ

1. કાચા માલના સ્ટોરેજની તપાસ કરાય. ધ્યાન રાખવામાં આવે કે કાચા માલમાં કોઈ ખરાબી નથીને. સામાન ખરાબ કે ઝેરી તો નથી થયો.

2. જો કોઈ સામાન ખુલ્લો રહી ગયો હોય તો રાસાયણિક પ્રક્રિયાના કારણે તે ઝેરી તો નથી બન્યો તેની તપાસ જરૂરી છે. ઉપયોગમાં લેતા પહેલાં તેની તપાસ અવશ્ય કરો.

3. સ્ટોરેજ વિસ્તારમાં રોશની અને હવાના અવરજવરની વ્યવસ્થા કરવામાં આવે.

4. સપ્લાય પાઈપલાઈન, વૉલ્વ્સ, કન્વેયર બેલ્ટની તપાસ કરવામાં આવે. જો તેમાં ખરાબી હશે તો ગેસ લીકની ઘટના બની શકે છે.

ઉત્પાદન એકમો માટેની માર્ગદર્શિકા

1. ફેક્ટરી શરૂ કરતા પહેલા સમગ્ર ઔદ્યોગિક વિસ્તારનું સલામતી સાથે ઓડિટ કરવું જોઈએ.

2- બધી પાઈપો, સાધનો અને ડિસ્ચાર્જ લાઇન યોગ્ય રીતે સાફ કરવી જોઈએ. જરૂર મુજબ હવાના દબાણ અને પાણીના દબાણથી સાફ કરવું.

3. બોઈલર કે ફ્યૂરેન્સને ઉપયોગમાં લેતા પહેલાં સારી રીતે ચેક કરી લેવું

4. ધ્યાન રાખવું કે દરેક પ્રેશર અને ટેમ્પ્રેચરની સાથે જોડાયેલી મશીનો સારી રીતે કામ કરી રહી છે.

5. જ્વલનશીલ અને ઝેરી પદાર્થોને લઈને સાવધાની રાખવી. મશીનો શરૂ કરતાં પહેલાં સાવધાની રાખી લેવી જરૂરી છે. 

6. જરૂર પડે ત્યારે આપાતકાલીન ટીમમ કે એક્સપર્ટ પ્રોફેશનલની ટીમ ઝડપથી ઘટનાસ્થળે પહોંચે તેવી વ્યવસ્થા કરવી. 

મજૂરો  કે વર્ક્સ માટે આ છે નિયમો

1. ફેક્ટ્રી પરિસરમાં 24 કલાક સેનેટાઈઝેશનની પ્રક્રિયા ચાલતી રહે તે જરૂરી છે. લંચ રૂમ, કોમન રૂમ, મીટિંગ હોલને દર 2થી 3 કલાકે સેનેટાઈઝ કરવામાં આવે. 

2. ઔદ્યોગિક પરિસરમાં કામ કરનારા દરેક કર્મચારીને 2 વાર ટેમ્પ્રેચર માપવામાં આવે. 

3. જે કર્મચારી કે મજૂરોમાં કોઈ પણ લક્ષણો દેખાય તેને કામ પરથી રજા આપી દેવી જોઈએ. 

4. દરેક કર્મચારી માટે હેન્ડ સેનિટાઈઝર્સ, ગ્લવ્ઝ, માસ્કની વ્યવસ્થા કરવામાં આવે. 

5. કોરોનાથી બચવા કઈ કઈ સાવધાની રાખવી તેનાથી મજૂરોને અને સ્ટાફને માહિતગાર કરવા. 

6. વર્ક ફ્લોર અને ડાઈનિંગ હોલમાં ફિઝિકલ ડિસ્ટન્સિંગની વ્યવસ્થા કરવી.

7. મુસાફરી કરનારા દરેક સ્ટાફને 14 દિવસ માટે ક્વૉરન્ટાઈન કરવો.

8. એવી ફેક્ટ્રીઓ જે 24 કલાક કામ કરે છે ત્યાં દરેક શિફ્ટમાં એક કલાકનું અંતર હોય.

9. પ્રશાસનિક સેવાને માટે કામ કરી રહેલા લોકો એક શિફ્ટમાં કુલ કર્મચારીના 33 ટકા જ કામ કરી શકશે. 

10. જ્યાં સુધી શક્ય હોય ત્યાં સુધી સ્ટાફ કે મજૂર વર્ક સ્ટેશન શેર ન કરો.