અર્થતંત્ર / દેશમાં ઔદ્યોગિક ઉત્પાદન હજુ નિરાશાજનક, સપ્ટેમ્બર મહિનામાં થયો નહિવત વધારો

આ વધારામાં  માઈનિંગ અને પાવર જનરેશન સેક્ટરના આઉટપુટમાં સારો એવો વધારો થયો છે. IIP (Index of Industrial Production)ના ડેટા પ્રમાણે મેન્યુફેક્ચરિંગ સેક્ટરમાં તો હજુ 0.6%નો ઘટાડો થયો છે. મેન્યુફેક્ચરિંગ સેક્ટર આ ઇન્ડેક્સના 77.63 ટકા જેટલું ભારણ ધરાવે છે.  

માઈનિંગ અને પાવર સેક્ટરમાં 1.4% અને 4.9% જેટલો વધારો થયો છે. નોંધનીય છે કે IIPમાં સપ્ટેમ્બર 2019માં 4.6%નો ઘટાડો થયો હતો.

સરકાર દ્વારા અનલોકની પ્રક્રિયા ધીમે ધીમે શરુ થઇ હોવાથી આર્થિક પ્રવૃત્તિઓને ક્રમિક રીતે વેગ મળી રહ્યો છે. આ નિવેદન મીનીસ્ટ્રી ઓફ સ્ટેટેસ્ટિકસ એન્ડ પ્રોગ્રામ ઈમ્પ્લીમેન્ટેશન તરફથી મળ્યું છે.

મંત્રાલય તરફથી એવી પણ ભલામણ કરવામાં આવી છે કે IIP આ આંકડાને કોરોનાના પહેલાના સમયના IIPના આંકડા સાથે સરખાવવા એ ખોટું છે.    

જો કે સકારાત્મક વાત એ પણ છે કે ઔદ્યોગિક ઉત્પાદન દર છ મહિના પછી પ્રથમ વખત પોઝિટિવ જોવા મળ્યો છે.