પૂર્વ નાણાંમંત્રી અને કોંગ્રેસના દિગ્ગજ નેતા પી ચિદમ્બરમને INX મીડિયા મામલે દિલ્હી હાઇકોર્ટ આગોતરા જામીન અરજી નામંજૂર કરી દેતાં ધરપકડના ભણકારા વાગી રહ્યાં છે. દિલ્હી હાઇકોર્ટે આગોતરા જામીન અરજી નામંજૂર કરી છે.
જો કે INX મીડિયા કેસ મામલે CBI અને ED દ્વારા ચિદમ્બરમ પર સંકજો કસવા પાછળ ઇન્દ્રાણી મુખરજી અને પીટર મુખર્જીનું નિવેદન જવાબદાર છે. INX મીડિયામાં પ્રમોટર્સ મુખર્જી દંપતીએ આપેલું નિવદન કોંગ્રેસ નેતા વિરુધ તપાસ એજન્સીઓ માટે મજબૂત આધાર બન્યો છે.
શું કહ્યું ઇન્દ્રાણીએ ?
સૂત્રોને મળતી જાણકારી મુજબ એજન્સીએ આપેલા નિવેદનમાં ઇન્દ્રાણીએ કહ્યું હતું કે INX મીડિયાની અરજી FIPB પાસે હતી. ઇન્દ્રાણીએ કહ્યું હતું કે તેના પતિ પીટર મુખર્જી અને કંપનીના વરિષ્ઠ અધિકારી સાથે પૂર્વ નાણાંમંત્રીની ઓફિસ નોર્થ બ્લોકમાં જઇને મુલાકાત કરી હતી.
ઇડીને આપેલા પોતાના નિવેદનમાં ઇન્દ્રાણીએ કહ્યું કે, ચિદમ્બરમે પીટર સાથે વાતચીત કરી અને INX મીડિયાની અરજી FDI માટે કરી હતી. પીટરે તેમને અરજીની કોપી સોંપી હતી. FBIPની મંજૂરી બદલે ચિદમ્બરમે પીટરને કહ્યું કે તેમના દિકરા કાર્તિના બિઝનેસમાં મદદ કરવી પડશે. ઇડીએ આ નિવેદનને ચાર્જશીટમાં દાખલ કર્યું અને કોર્ટમાં પૂરાવા તરીક રજૂ કર્યું.
રકમ અંગે કોઇ ખૂલાસો નહીં?
ઇડીએ કોર્ટને આપેલી જાણકારી પર જણાવ્યું કે ઇન્દ્રાણીએ ચિદમ્બરમને કેટલી રકમની લાંચ તરીકે આપી તે અંગેનો કોઇ ખુલાસો થયો નથી. તપાસ એજન્સી મુજબ FBIPની મંજૂરી બાદ 2008માં જ્યારે અનિયમિતતાઓની વાત સામે આવી તો પીટરે ચિદમ્બરમ સાથે મુલાકાત કરવાનો પ્રયત્ન કર્યો હતો. ચિદમ્બરમ ત્યારે યુપીએ સરકારમાં નાણાંમંત્રી હતા અને પીટરે મુશ્કેલીને લઇને સમાધાન માટે મળવાનો સમય નક્કી કર્યો.
કાર્તિ ચિદમ્બરમ પર 10 લાખ ડોલરની લાંચ લેવાનો આરોપ
પી ચિદમ્બરમ સિવાય દિકરા કાર્તિ ચિદમ્બરમ વિરુધ આરોપ છે કે તેણે INX મીડિયા વિરુધ્ધ સંભવિત તપાસને રોકવા માટે 10 લાખ ડોલરની માગ કરી હતી. આ મામલે કાર્તિ ચિદમ્બરમની ગત 28 ફેબ્રુઆરીએ ધરપકડ કરાઇ હતી.
જેના પર સીબીઆઇએ ઇન્દ્રાણીની પૂછપરછમાં કહ્યું હતું કે કાર્તિ ચિદમ્બરમે તેમની પાસે પૈસાની માગ કરી હતી. આ ડીલ દિલ્હીની પાંચ સિતારા હોટલમાં કરવામાં આવી હતી. જો કે હાલમાં ઇન્દ્રાણી મુખરજી પોતાની દીકરી શીના બોરની હત્યાના આરોપમાં જેલમાં છે.