આ કઈ રીતે થયું? / વેક્સિનનાં ચાર-ડોઝ લીધા પછી પણ કોરોના પોઝિટિવ થઈ ગઈ મહિલા, સ્વાસ્થ્ય કર્મીઓ પણ ચોંકી ગયા

• મહિલાએ 4-4 વેક્સીન લીધી 
• તેમ છતાં આવી કોરોના પોઝિટિવ 
• એરપોર્ટ પર લોકોમાં ખડભડાટ

મધ્ય પ્રદેશના ઈંદૌરમાં એક વખત ફરી કોરોના સંક્રમિત દર્દીઓની સંખ્યા વધવા લાગી છે. સતત વધી રહેલા આંકડા ચિંતા વધારી રહ્યા છે. પ્રશાસને નિયમો કડક કરી દીધા છે. ત્યાં જ લોકો હજુ પણ ગેરજવાબદાર બની રહ્યા છે. બુધવારે સવારે એરપોર્ટ પર ત્યારે હડકંપ મચી ગયો જ્યારે RTPCR ટેસ્ટિંગ વખતે મહિલા યાત્રીનો રિપોર્ટ પોઝિટિવ આવ્યો. મહિલા લગભગ 12  દિવસ પહેલા પોતાના સંબંધીના ઘરે ઈંદૌરની નજીક મહૂ આવી હતી. 

સ્વાસ્થ્ય વિભાગ સક્રિય  
મહિલાએ અલગ અલગ વેક્સીન અને બૂસ્ટરના ચાર ડોઝ લીધા હતા. હાલ એરપોર્ટ પ્રબંધન પાસેથી મળેલી જાણકારી અનુસાર સ્વાસ્થ્ય વિભાગની ટીમે ત્યાં પહોંચીને તપાસ શરૂ કરી દીધી. મહિલાના ટેસ્ટિંગ અને ક્વોરંટાઈનના નિર્દેશ સ્વાસ્થ્ય વિભાગના અધિકારીઓ દ્વારા આપવામાં આવ્યા હતા. 

દુબઈ માટે ફ્લાઈટ પકડવાની હતી મહિલા 
હકીકતે, 12 દિવસ પહેલા મહિલા દુબઈથી ઈંદૌર એરપોર્ટ આવી હતી. ત્યાંથી તે મહુ પોતાના સંબંધીના ઘરે રોકાઈ અને ફરવા ગઈ હતી. મહિલા બુધવારે મહૂથી ઈંદૌર એરપોર્ટ પહોંચી હતી. અહીંથી તેમની ફ્લાઈટ દુબઈ માટે હતી. પરંતુ એરપોર્ટ પર ટેસ્ટિંગ વખતે મહિલા પોઝિટિવ આવી હતી. ટેસ્ટિંગ પહેલા મહિલાએ વેક્સીનના ચાર ડોઝ અને દુબઈથી ઈંદૌર આવતી વખતે કોરોનનો નેગેટિવ રિપોર્ટનું સર્ટિફિકેટ બતાવ્યું હતું. 

મહિલાનો દાવો કોરોના વેક્સિનના 4 ડોઝ લીધા છે 
મહિલા યાત્રીને 31 જાન્યુઆરી, 2 માર્ચ, 18 જુલાઈ અને 8 ઓગસ્ટે સીનોફાર્મ અને ફાઈઝરના અલગ અલગ ડોઝ આપવામાં આવ્યા હતા. તે સમયે રિપોર્ટ પણ નેગેટિવ આવ્યા હતા. મહિલા પોઝિટિવ આવ્યા બાદ સ્વાસ્થ્ય વિભાગની ટીમ એલર્ટ થઈ ગઈ છે. 

મહૂમાં તેમના સંબંધીની જાણકારી મેળવ્યા બાદ મહિલાને હોસ્પિટલ મોકલી દેવામાં આવી છે. ત્યાં જ મહિલાને હાલ આઈસોલેશન વોર્ડમાં રાખવામાં આવી છે. મહિલામાં હાલ કોઈ લક્ષણ નથી અને ન તેને કોઈ મુશ્કેલી થઈ રહી છે.