કોરોના / ઘરની બહાર બેસીને ભોજન લેતા પોલીસ અધિકારીએ જે વાત કરી તે જાણી આંખમાં આંસુ આવી જશે

• કોરોના સામેની જંગમાં ફરજ બજાવતા પોલીસકર્મીની વ્યથા સાંભળી આંખમાં આંસુ આવી જશે
• પોલીસકર્મીએ કહ્યું હું ઘરે તો જાવ છું પરંતુ બધાથી અલગ જમવા બેસું છું

ઈન્દોરમાં તૈનાત પોલીસ ઈન્સ્પેક્ટર નિર્મલકુમાર શ્રીવાસ(Nirmal Kumar Shriwas), જે તુકોગંજ પોલીસ સ્ટેશનના ઇન્ચાર્જ પણ છે તેમણે પોતાની વ્યથા જણાવી અને કહ્યું કે આ રોગ સામેની લડતમાં અમે સરકારની સાથે ખભે ખભો મળાવીને ઉભા રહીએ છીએ. પરંતુ એક બાબત એવી જેનું મને ઘણી વાર દુ:ખ થાય છે તે છે.

ઈન્દોરના પોલીસ અધિકારીની વ્યથા

પોલીસ અધિકારીએ પોતાની દાસ્તાન વર્ણવતા કહ્યું કે, 'જ્યારે પણ હું ઘરે જઉં છું, ત્યારે હું બધાથી અલગ બેસીને ખાઉં છું, અને મારું બાળક માત્ર મને દૂરથી જુએ છે. હું મારા બાળકને મારા ખોળામાં બેસાડીને પ્રેમ પણ કરી શકતો નથી ''. કારણ કે મને ડર છે કે મારી નાની બેદરકારીને લીધે મારી દીકરીને આ રોગ ન થઇ જાય. 

આંખમાં આંસૂ આવી જશે 

ઉલ્લેખનીય છે કે, આ પોલીસ ઇન્સ્પેક્ટર નિર્મલનો ફોટો સોશિયલ મીડિયા પર ખૂબ વાયરલ થઈ રહ્યો છે. જેમાં તે ભોજન લેતા જોવા મળી રહ્યા છે અને તેમની દીકરી તેમને દૂરથી જોઇ રહી છે. દીકરી અને પિતાનો પ્રેમ દર્શાવતો આ ફોટો જોયા પછી કોઈના આંસુ છલકાઈ જશે.