કમ્પ્યૂટર એ આજના જમાનાની જરૂરિયાત બની ગઈ છે. પણ વૃદ્ધ, કમ્પ્યૂટર અંગે અજાણ લોકો, બાળકો કમ્પ્યૂટર પર સરળતાથી કામ નથી કરી શકતા. પણ ઈન્દોરના 12 વર્ષના બાળક અવિ શર્માએ એક એવો કમાલ કર્યો છે કે હવે આ લોકો પણ કમ્પ્યૂટરનો ઉપયોગ કરી શકશે.
12 વર્ષના બાળકની મોટી સિદ્ધિ
ધોરણ 7ના વિદ્યાર્થીએ બનાવ્યો પ્રોગ્રામ
વોઈસ કમાન્ડ પ્રોગ્રામ કર્યો તૈયાર
નોંધનીય છે કે, અવિ શર્મા ધોરણ 7માં અભ્યાસ કરે છે અને લોકડાઉનમાં અવિ શર્માએ એક વોઈસ કમાન્ડ પ્રોગ્રામ ડેવલપ કર્યો. આ પ્રોગ્રામ વૃદ્ધ, વિક્લાંગો અને અશિક્ષિત લોકો માટે તૈયાર કર્યો છે. આ પ્રોગ્રામ દ્વારા કમ્પ્યૂટર કે લેપટોપને વોઈસ કમાન્ડથી કંટ્રોલ કરી શકાય છે. વોઈસ કમાન્ડથી લખી કે વાંચી શકાય છે.
પ્રોગ્રામનું નામ આપ્યું માધવ
આ પ્રોગ્રામનું નામ ભગવાનના નામ પરથી માધવ રાખ્યું છે.અવિ શર્માએ લોકડાઉનમાં બાલ મુખી રામાયણ લખી, સ્કૂલ કોલેજમાં મોટિવેશનલ સ્પીચ પણ આપે છે. સાથે જ અનેક હરિફાઈમાં અવોર્ડ્સ પણ જીતી ચૂક્યો છે. આ વોઈસ કમાન્ડ પ્રોગ્રામથી કમ્પ્યૂટર બંધ ચાલુ કરવાથી લઈને મ્યૂઝિક સાંભળવા, ડિક્શનરી, ગૂગલમાં સર્ચ કરવા માટે ઉપયોગ કરી શકાશે.
ધોરણ 7માં ભણતા બાળકે કર્યો કમાલ
હાલ આ પ્રોગ્રામને પેટેન્ટ કે રજિસ્ટ્રેશન નથી કરાવ્યું. પણ અવિ એપ્લિકેશન દ્વારા દેશવાસીઓ સુધી આ પ્રોગ્રામ પહોંચાડવા માગે છે. અવિ શર્માએ આ પ્રોગ્રામ ન કોઈ ક્લાસ કે માર્ગદર્શન હેઠળ બનાવ્યો.
પાયથન ભાષા શિખીને કોડિંગ કર્યું
પણ તેને ઈન્ટરનેટ પર કેટલાક વીડિયો જોઈને પાયથન ભાષા શિખીને કોડિંગ કરીને બનાવ્યો છે. અવિએ જણાવ્યું કે હાઈ પ્રોસેસર કમ્પ્યૂટરની જરૂર છે. અને યોગ્ય માર્ગદર્શન મળ્યું તો દેશ અને વિશ્વને આ પ્રોગ્રામનો ફાયદો મળી શકશે. તો આ સિદ્ધિ મામલે અવિ શર્માના માતાએ પણ ખુશી વ્યક્ત કરી હતી અને અવિના સ્વપ્ન સાકાર કરવા માટે જે થઈ પડશે તે કરીશું તેમ જણાવ્યું હતું.