ઇન્ડોનેશિયામાં આવેલી સુનામીમાં 429ના મોત 1485 લોકો ઇજાગ્રસ્ત

ઇન્ડોનેશિયામાં જ્વાળામુખી ફાટયા બાદ આવેલા વિનાશકારી સુનામીમાં મૃતકોની સંખ્યા 429 સુધી પહોંચી ગઇ છે. જ્યારે બીજી તરફ વરસાદના કારણે સુનામીમાં જીવત લોકોની શોધ તેમજ મૃતદેહ માટેની કાર્યવાહીમાં અવરોધ ઉભો થઇ રહ્યો છે.

રાષ્ટ્રીય આપત્તિ વ્યવસ્થાપન બોર્ડના પ્રવક્તાએ જણાવ્યું કે મૃતકોની સંખ્યામાં હજી પણ વધારો થઇ શકે તેમ છે. રાહત અને બચાવની ટીમ દ્વારા હજુ પણ પાણીમાં મૃતદેહની શોધ કરવામાં આવી રહી છે. એક રિપોર્ટના મળતા આંકડા મુજબ 1485 લોકો ઇજાગ્રસ્ત થયા છે

154 લાપતા છે જ્યારે 16 082 લોકો બેઘર થયા છે. સુંડા સ્ટ્રેટ પર એનાક ક્રાકટોઓ જવાળામુખીમાં વિસ્ફોટ પછી આવેલ સુનામી ઇન્ડોનેશિયાના જાવા અને સુમાત્રા દ્વીપમાં ભારે તબાહી સર્જાઇ હતી. જો કે તે પહેલા કોઇ ચેતવણી આપવામાં આવી નહોતી. ઇન્ડોનેશિયા ની નૌસેના દ્વારા દરિયા તેમજ જાવા દ્વિપના તટીય વિસ્તારથી દૂર ઘણા બધા મૃતદેહો મળી આવ્યા છે.

ઇન્ડોનેશિયામાં આવેલા સુનામીમાં 429 લોકોના મોત નિપજ્યાં છે. જ્યારે સુનામીના કારણે 1485 લોકોને ઇજા પહોંચી છે તેમજ અન્ય 154 લોકો હજુ પણ લાપતા છે. જ્યારે સુનામી બાદે અનેક ઇમારતો ધરાશાયી થતા 16 082 લોકો બેઘર બન્યાં છે.

સુનામીમાં 883 મકાનો 73 હોટલ અને વિલા ધરાશયી થયા છે. ઉલ્લેખનીય છે કે સુંડા સ્ટેટમાં એનાક ક્રાકાટોઓ જવાળામુકી ફાટતા તબાહી સર્જાઇ છે. જેમાં પાંડેગલાંગ સેરાંગ દક્ષિણ લામપુંગ પેનાવારાન અને તેનગ્ગામુસ સૌથી પ્રભાવિત વિસ્તાર છે.

તંત્ર દ્વારા રાહત અને બચાવ કામગીરી યથાવત રાખવામાં આવી છે. જ્યારે તંત્ર દ્વારા જણાવામાં આવી રહ્યું છે કે તબાહીના કારણે હજુ પણ મૃત્યઆંક વધે તેવી શક્યતા છે.