પેલી કહેવત છે ને કે રામ રાખે તેને કોણ ચાખે, બસ એવું જ થયુ ઇન્ડોનેશિયના એક વ્યક્તિ સાથે. તેણે મોતને એકદમ નજીકથી જોયુ અને મોતને હાથતાળી આપીને છટકી ગયો. ભૂસ્ખલનનો એક વીડિયો સોશ્યલ મિડીયા પર ખૂબ વાયરલ થઇ રહ્યો છે. આ ભૂસ્ખલન એપ્રિલ મહિનામાં થયુ હતું જેમાં એક વ્યક્તિએ પોતાનો જીવ બચાવ્યો હતો.
ઇન્ડોનેશિયાની એક ન્યૂઝ ચેનલના કહેવા અનુસાર, ઇન્ડોનેશિયાના ચિયાંગજૂર અને સુકનગરના રહેણાંક વિસ્તાર પાસે આ ભૂસ્ખલન થયું હતું. વીડિયોમાં તમે જોઇ શકશો કે એક માણસ બાઇક લઇને નીકળી રહ્યો છે અને ત્યારે જ ભૂસ્ખલન થાય છે, તે બાઇક વાળવા પ્રયત્ન કરે છે પરંતુ થતુ નથી તેથી તે બાઇક છોડીને રોડ પર આવી જાય છે અને દોડીને પોતાનો જીવ બચાવી લે છે પરંતું તેનુ બાઇક કીચડ નીચે જ દબાઇ જાય છે.
A video clip of a Landslide which is being circulated on social media is from settlements of Chiangjur & Sukanagara in Indonesia, NOT from National Highway of Meghalaya.
We request citizens not to share or circulate the video clip with false content or caption. pic.twitter.com/evQ3UvZm0F
— Meghalaya Police (@MeghalayaPolice) May 21, 2020
આ વીડિયો ટ્વિટર પર પણ ખૂબ વાયરલ થઇ રહ્યો છે. અલગ અલગ યુઝર્સના જવાબ આવી રહ્યાં છે, કોઇ કહી રહ્યું છે કે ઓ માય ગોડ કેટલો લકી માણસ. તો બીજા માણસે લખ્યું કે થેન્ક ગોડ બાયકર સહી સલામત બચી ગયો.
વાયરલ વીડિયોને પહેલા મેઘાલયની ગણાવવામાં આવી રહી હતી તો ક્યારેક આ વીડિયોને ગોવાની ગણાવવામાં આવી હતી, બાદમાં મેઘાલય પોલિસે સ્ટેટમેન્ટ આપ્યું હતું કે, આ ભૂસ્ખલન ઇન્ડોનેશિયામાં થયુ હતું.