ઇન્ડોનેશિયા દુનિયાની સૌથી વધુ મુસ્લિમ વસ્તી ધરાવતા દેશમાંથી એક છે. જંગલોથી લઇને સમુદ્ર તટ અને જ્વાળામુખીથી લઇને પ્રાચીન મંદિર સુધી ઇન્ડોનેશિયામાં ફરવાલાયક ઘણા સ્થળો છે. બાલી પોતાના મંદિર અને શાનદાર સમુદ્ર તટના કારણે ભારતીય ટૂરિસ્ટનું ફેવરિટ ડેસ્ટિનેશન બન્યું છે.
ભારતીય કરન્સીની વધારે કિંમત:
ઈન્ડોનેશિયાની કરન્સી ઈન્ડોનેશિયન રુપૈયા છે. અહિ ભારતીય એક રૂપિયાની કિંમત 206.74 ઈન્ડોનેશિયન રૂપૈયા છે. આ કિંમતના આધારે જો તમારી પાસે 5000 છે તો તેની કિંમત અહીં 10 લાખ રૂપિયા ગણાય છે. આથી તમે ઓછા ખર્ચામાં પણ ફરવાની મજા લઈ શકો છો. જો તમે ઈન્ડોનેશિયાથી શોપિંગ કરવા ઈચ્છો છો તો ઓછી કિંમતમાં પણ વધારે સામાન ખરીદી શકો છો. આ ઉપરાંત અનેક જગ્યાઓ ફરવાલાયક છે.
બાલી:
ઇન્ડોનેશિયાનું નામ લેતાં જ સૌથી પહેલા બાલીનું નામ યાદ આવે છે. જો તમને આર્ટ અને કલ્ચર પસંદ છે તો તમારે એકવખત બાલીની મુલાકાત જરૂરથી લેવી જોઇએ. અહીંયા તમને સાનૂર બીચ અને તુલાંબે બહુ ખાસ લાગશે. અહીં મંદિર પેઈન્ટિંગ ઉપરાંત તમે એડવેન્ચર સ્પોર્ટ્સની પણ મજા લઈ શકો છો.
જાકાર્તા:
જો તમારે અવનવા સ્વાદની મજા માણવી હોય અને ખાણીપીણીનાં પણ શોખીન હોવ તો જાકાર્તા તમારા માટે બેસ્ટ ડેસ્ટિનેશન સાબિત થઈ શકે છે. તમે જાકાર્તામાં અવનવી જગ્યાએ ફરવાની મજા ઉપરાંત સ્વાદિષ્ટ ફૂડની પણ મજા માણી શકો છો.
કુતા:
જો તમને નાઇટલાઇફનો શોખ હોય તો તમે કુતા જઇ શકો છો. અહીંયાની નાઇટલાઇફ સાથે તમને અનેક બચી એવા પણ મળશે જ્યાં તમે મનભરીને મસ્તી કરી શકશો.
ડેનપાસર:
જો તમને મંદિર અને મ્યૂઝિયમ જોવાનો શોખ હોય તો ડેનપાસર તમારા માટે ઉત્તમ સ્થળ છે. તમને આ જગ્યાએ અનેક પ્રાચીન મંદિર અને મ્યૂઝિયમ જોવા મળશે. અહિં તમે તમારો ક્વોલિટી ટાઈમ પસાર કરી શકો છો.