ભારત અને ચીન વચ્ચે ચાલતા સીમા વિવાદ અને સંઘર્ષમાં ભારતીય સેનાને પૂરતી મદદ મળી રહે એ હેતુથી BRO દ્વારા રોડ બનાવવામાં આવી રહ્યા છે જે પહાડોની વચ્ચેથી નીકળે છે.
ચીની સેના માટે ભારતની વ્યવસ્થા
પહાડો ચીરીને બનાવવામાં આવેલો રસ્તો
24 પુલ અને ત્રણ રસ્તાઓ રાષ્ટ્રને સમર્પિત
અરુણાચલ પ્રદેશ પર ચીનનો ડોળો
અરુણાચલ પ્રદેશ પર ચીનની ખરાબ નજર છે, ડોકલામ અને પછી લદ્દાખમાં દુઃસાહસ જોઈને ભારતે ચીન સાથેની સરહદ પર તેની સંરક્ષણ માટેની તૈયારીઓ મજબૂત કરી છે.
બોર્ડર પર ભારતની તૈયારીઓ
ભારત દ્વારા સરહદ પર મોટા હથિયારો અને વધારાના સૈનિકોની તાત્કાલિક ગોઠવવા માટે હવે રસ્તાઓનું નેટવર્ક બનાવવામાં આવી રહ્યું છે.
રક્ષા મંત્રી રાજનાથ સિંહે પણ સ્પષ્ટ કહ્યું હતું કે આજના અનિશ્ચિત વાતાવરણમાં કોઈપણ પ્રકારના સંઘર્ષની શક્યતાને નકારી શકાય તેમ નથી. સરહદ નજીક આવા બે વિસ્તારોમાં મજબૂત પુલ બનાવવામાં આવ્યા છે. આ તૈયારીમાં પહાડોને તોડીને સેના માટે રસ્તો તૈયાર કરવામાં આવી રહ્યો છે.
24 પુલ અને ત્રણ રસ્તાઓ રાષ્ટ્રને સમર્પિત
સંરક્ષણ પ્રધાને તાજેતરમાં ચાર રાજ્યો અને બે કેન્દ્રશાસિત પ્રદેશોમાં બોર્ડર રોડ ઓર્ગેનાઈઝેશન (BRO) દ્વારા બાંધવામાં આવેલા 24 પુલ અને ત્રણ રસ્તાઓ રાષ્ટ્રને સમર્પિત કર્યા હતા. આ 24 પુલમાંથી 9 જમ્મુ અને કાશ્મીરમાં, 5 લદ્દાખ અને 5 હિમાચલ પ્રદેશમાં, 3 ઉત્તરાખંડમાં અને એક-એક સિક્કિમ અને અરુણાચલ પ્રદેશમાં છે. અન્ય ત્રણ રસ્તાઓમાંથી બે લદ્દાખમાં અને એક પશ્ચિમ બંગાળમાં આવેલા છે.
19 હજાર ફૂટની ઉંચાઈ પર આવેલ વિશ્વનો સૌથી ઊંચો રોડ
સિક્કિમમાં ફ્લેગ હિલ-ડોકલા વચ્ચે 11,000 ફૂટ અને લદ્દાખમાં ચિસુમલે-ડેમચોક વચ્ચે 19,000 ફૂટની ઊંચાઈએ બનેલો રસ્તો ચીનની કોઈપણ કાર્યવાહીનો જડબાતોડ જવાબ આપવા માટે વ્યૂહાત્મક રીતે ઘણું મહત્વ ધરાવે છે. સંરક્ષણ મંત્રાલયે કહ્યું હતું કે દક્ષિણ લદ્દાખમાં ઉમલિંગ-લા પાસ પર 19,000 ફૂટથી વધુની ઉંચાઈ પર એક રસ્તો તૈયાર કરવામાં આવ્યો છે, જે હવે વિશ્વનો સૌથી ઊંચો મોટરેબલ રોડ બની ગયો છે.
લદ્દાખના 19,300 ફૂટ ઊંચાઈ પર ચીસુમલા થી ડેમ ચોક સુધી 52 કિમીન લાંબો રસ્તો તૈયાર કરવામાં આવ્યો છે જે ચીનની હરકતો જોતાં ખૂબ મહત્વનો સાબિત થશે. તેની મદદથી સેન પોતાના મોટા મોટા હથિયારો અને શસ્ત્રસરંજામ ડેમચોક સુધી પહોંચાડી શકશે. આ વિસ્તારમાં ચીનની તરફથી ઘણી વાર ઘૂસણખોરી કરવાનાં પ્રયત્નો કરવાંમાં આવ્યા છે.
સીમા સડક સંગઠન તરફથી ભવિષ્યની સુરક્ષાની તૈયારીઓ માટે પુલ અને રસ્તાઓ બનાવવામાં આવી રહ્યા છે. રક્ષા મંત્રીએ કહ્યું હતું કે બોર્ડરના ક્ષેત્રોમાં વિકાસ માટે અમારી પાસે બીઆરઓ છે તેમણે કહ્યું હતું કે એ પૂર્વીય લદ્દાખમાં જૂનાં પુલ 24 ટનનો જ ભાર ઉઠાવી શકવા માટે સક્ષમ હતા જ્યારે હવે જે નવા પુલ બનાવવામાં આવ્યા છે ટે 80 મિટરથી લાંબા અને 70 ટન બહાર ઉઠાવી શકે તેટલા સક્ષમ છે.
ડોકલામ પાસે જલ્દી જ પહોંચશે ટેન્કસ
સિક્કિમમાં સંવેદનશીલ ડોકલામ ક્ષેત્ર નજીક એક રસ્તોબનાવવામાં આવ્યો છે. 33 કિમી લાંબો Flag Hill-Dokla road ભારત માટે ખૂબ મહત્વનો છે. જેના પર સેનાના ભારે વાહનો પણ જઈ શકે છે અને તે ડોકલાં નજીક ડોક્લા ક્ષેત્રમાં ભારતીય સૈનિકો સુધી પહોંચવામાં ઓછો સમય લાગશે. આ જ વિસ્તારમાં 2017 માં ભારત અને ચીનની સેનાઓ અમને સામને આવી ગઈ હટી અને 73 દિવસ સુધી ટક્કર ચાલી હતી. આ રસ્તો 11,000 ફૂટ પર આવેલો ડબલ લેન રસ્તો છે. 70 ટનનું વજન સહન કરી શકવાની ક્ષમતા ધરાવતો આ રોડ ટેન્કોની આવ-જા માટે પણ મદદરૂપ થાય એવો છે.