અમેરિકાના બે શહેરમાં ફાયરિંગની ઘટનાઓ, શાળામાં સોમવારે ગોળીબારમાં 2 વિદ્યાર્થીઓના મોત થયા તો જ્યારે 1 શિક્ષક ગંભીર રીતે ઘાયલ થયા
અમેરિકાના કેલિફોર્નિયામાં સોમવારે ગોળીબારની ઘટના
ગોળીબારની ઘટનામાં કુલ 9 લોકોના મોત થયા હતા
સ્થાનિક પોલીસે ઘટનાના શંકાસ્પદને કસ્ટડીમાં લીધો
અમેરિકામાં સામૂહિક ગોળીબારની ઘટનાઓ અટકવાનું નામ નથી લઈ રહી. મોન્ટેરી પાર્કમાં થયેલા ફાયરિંગની ઘટના બાદ હવે અમેરિકાના બે શહેરમાં ફાયરિંગની ઘટનાઓ સામે આવી છે. બંને ઘટનાઓમાં કુલ 9 લોકોના મોત થયા છે. અમેરિકી મીડિયાના જણાવ્યા અનુસાર લેટેસ્ટ હુમલો કેલિફોર્નિયાના હાફ મૂન બે શહેરમાં થયો હતો. ફાયરિંગની આ ઘટનામાં 7 લોકોના મોત થયા હતા. ઘટનાસ્થળે પહોંચીને અમેરિકન શેરિફ (યુએસ પોલીસ)એ હુમલાખોરની ધરપકડ કરી લીધી છે. આ સિવાય આયોવાની એક શાળામાં ફાયરિંગની બીજી ઘટના પણ સામે આવી છે. જેમાં બે વિદ્યાર્થીઓના મોત થયા છે.
કેલિફોર્નિયાના હાફ મૂન બે શહેરમાં સોમવારે એક હુમલાખોરે અચાનક એક સાથે અનેક લોકો પર ગોળીબાર શરૂ કરી દીધો અને 7 લોકોના મોત થયા. કાઉન્ટીની શેરિફ ઓફિસને આ ઘટનાની જાણ થતાં જ પોલીસની ટીમ તાત્કાલિક ઘટનાસ્થળે પહોંચી ગઈ હતી. હુમલાખોરની થોડી જ વારમાં ધરપકડ કરવામાં આવી હતી. હાફ મૂન બે શહેર સાન ફ્રાન્સિસ્કોથી લગભગ 28 માઇલ (45 કિલોમીટર) દક્ષિણમાં આવેલું છે.
Update: A person who was injured in a mass shooting in Monterey Park, California, on Jan 22, died while being treated at a local hospital; death toll rises to 11, Reuters reported
આયોવામાં શાળામાં ફાયરિંગની ઘટનામાં બે વિદ્યાર્થીઓના મોત થયા હતા, જ્યારે એક શિક્ષક ગંભીર રીતે ઘાયલ થયા હતા. શેરિફ ઓફિસના જણાવ્યા અનુસાર ગોળીબાર ડેસ મોઇન્સ સ્કૂલમાં કાર્યક્રમ દરમિયાન થયો હતો. અહીં બપોરે એક વાગ્યે ઇમરજન્સી કામદારોને શાળામાં બોલાવવામાં આવ્યા હતા. અધિકારીઓને ગંભીર ઈજાઓ સાથે 2 વિદ્યાર્થીઓ મળ્યા, તેઓને તાત્કાલિક CPR આપવામાં આવ્યા. હોસ્પિટલમાં બંને વિદ્યાર્થીઓના મોત થયા હતા.
આયોવામાં ઘટનાના 20 મિનિટ પછી પોલીસે કારમાંથી 3 શંકાસ્પદોને કસ્ટડીમાં લીધા. જ્યારે એક આરોપી કારમાંથી ભાગી ગયો હતો. સાર્જન્ટ પોલ પારિઝેકે જણાવ્યું કે, આ ઘટના અચાનક નથી બની તેને સંપૂર્ણ આયોજન હેઠળ અંજામ આપવામાં આવ્યો હતો. કેલિફોર્નિયાના મોન્ટેરી પાર્કમાં તાજેતરમાં થયેલા ગોળીબાર બાદ અમેરિકી રાષ્ટ્રપતિ જો બિડેને ધ્વજને અડધી માસ્ટ પર લહેરાવવાનો આદેશ આપ્યો હતો.
United States | Two students were killed while a teacher was injured in a shooting at a school in Des Moines in Iowa; multiple suspects taken into custody, reports The Associated Press citing the police
સ્થાનિક નેતાઓએ શું કહ્યું?
કેલિફોર્નિયાના સ્થાનિક નેતાઓએ ટ્વિટ કર્યું કે, તેઓ સ્થાનિક જિલ્લામાં ગોળીબારના કારણે લોકોના મોત પર શોક વ્યક્ત કરે છે, આ માટે અમે સ્થાનિક પ્રશાસનને મદદ કરવા માટે અમે જે કંઈ કરી શકીએ તે કરવાનો પ્રયાસ કરીશું.
કેલિફોર્નિયામાં રવિવારે પણ બની હતી ગોળીબારની ઘટના
કેલિફોર્નિયામાં બે દિવસમાં આ ત્રીજી ઘટના છે, જેમાં ચાર લોકોના મોત થયા છે. આ પહેલા 22 જાન્યુઆરીએ કેલિફોર્નિયાના લોસ એન્જલસના મોન્ટેરી પાર્કમાં ચાઈનીઝ નવા વર્ષની ઉજવણીમાં થયેલા ગોળીબારમાં 10 લોકો માર્યા ગયા હતા. આ ફાયરિંગમાં અનેક લોકો ઘાયલ થયા છે. આ ઘટના બાદ રેસ્ક્યુ ઓપરેશનનો વીડિયો સોશિયલ મીડિયા પર વાયરલ થયો હતો. હુમલા બાદ અમેરિકાના રાષ્ટ્રપતિ જો બિડેને કેલિફોર્નિયા ગોળીબારમાં માર્યા ગયેલા લોકોને શ્રદ્ધાંજલિ આપવા માટે અમેરિકન ધ્વજને એક દિવસ માટે નીચો રાખવાનો આદેશ આપ્યો હતો.
એશિયન પ્રભુત્વ ધરાવતા વિસ્તારમાં ફાયરિંગ
એક ન્યૂઝ એજન્સીના રિપોર્ટ અનુસાર જ્યાં ગોળીબાર થયો હતો તે મોન્ટેરી પાર્કમાં એશિયન મૂળના લોકો મોટી સંખ્યામાં રહે છે. કુલ વસ્તીના 65.5 ટકા લોકો ત્યાં રહે છે. તેથી નિષ્ણાતોના મતે ફાયરિંગ પાછળનું એક કારણ વંશીય ભેદભાવ હોઈ શકે છે. એફબીઆઈ આ મામલે તપાસ કરશે. એફબીઆઈ લોસ એન્જલસ ક્ષેત્રીય કાર્યાલય સ્થાનિક પોલીસ સાથે સંવાદમાં છે, અને તમામ સંબંધિત અન્ય એજન્સીઓ સાથે કામ કરી રહી છે.