પૂર્વ વડાપ્રધાન ઇન્દિરા ગાંધી (Indira Gandhi) ની પુણ્યતિથિના અવસર પર પીએમ મોદી, સોનિયા ગાંધી (Sonia Gandhi), મનમોહન સિંહ સહિત ઘણા વરિષ્ઠ નેતાઓએ તેમને શ્રદ્ધાંજલિ આપી. આ અવસરે સોશિયલ મીડિયા પર એક વીડિયો વાયરલ થઇ રહ્યો છે, જે 31 ઓક્ટોબર 1984નો છે.
31 ઓક્ટોબર 1984નો એક વીડિયો સોશિયલ મીડિયા પર થયો વાયરલ
આ વીડિયોમાં એન્કરે પૂર્વ વડાપ્રધાન ઇન્દિરા ગાંધીની હત્યાના સમાચારને ટીવી પર રજુ કર્યા હતા
સલમા સુલતાને કહ્યું, નહોતુ સમજાતુ કે એ ન્યુઝ હું કેવી રીતે વાંચું. મારા આંસૂ નહોતા રોકાઇ રહ્યા
આ દિવસે પૂર્વ વડાપ્રધાન ઇન્દિરા ગાંધી (Indira Gandhi Death Anniversary) ની હત્યા કરી દેવાઇ હતી. આ વીડિયો પ્રખ્યાત ન્યૂઝ એન્કર સલમા સુલતાન (Salma Sultan) નો છે. એમણે એ દરમિયાન પૂર્વ વડાપ્રધાન ઇન્દિરા ગાંધીની હત્યાના સમાચારને ટીવી પર કેવી રીતે રજુ કર્યા હતા એ વિશે વાત કરી. આ વીડિયોને બોલીવુડ અને સાઉથ ફિલ્મોની એક્ટ્રેસ ખુશબુ સુંદરે (Khushbhu Sundar) રિટ્વિટ કર્યું છે. ખુશબુ સુંદર કોંગ્રેસની નેતા પણ છે.
સોશિયલ મીડિયા પર વાયરલ થઇ રહેલા આ વીડિયોમાં જોઇ શકાય છે કે ન્યૂઝ એન્કર સલમા સુલતાન બતાવી રહી છે કે પૂર્વ વડાપ્રધાન ઇન્દિરા ગાંધી (Indira Gandhi) ના સમાચારે દેશને હલાવી દીધો હતો. એમણે કહેતા દેખાઇ રહ્યા છે કે, ''મને નહોતુ સમજાઇ રહ્યું હતું કે એ ન્યુઝ હું કેવી રીતે વાંચું. આ સમાચાર બાદ મારા આંસૂ નહોતા રોકાઇ રહ્યા. પરંતુ એ જ હાલતમાં મારે કેમેરાનો સામનો કરવો પડ્યો. ન્યૂઝ એન્કર સલમા સુલતાન (Salma Sultan) નો આ વીડિયો ખુબ જ વાઇરલ થઇ રહ્યો છે.
જ્યારે, ઇન્દિરા ગાંધી (Indira Gandhi) ની પુણ્યતિથિના અવસર પર કોંગ્રેસના પૂર્વ અધ્યક્ષ રાહુલ ગાંધીએ પોતાની દાદીને યાદ કરતા ટ્વિટ કર્યું, ''આજે મારી દાદી ઇન્દિરા ગાંધીજીનો બલિદાન દિવસ છે. આપના લોખંડી ઇરાદા અને નિડર નિર્ણયોની શિખામણ દરેક પગલે મારુ માર્ગદર્શન કરતી રહેશે. આપને મારુ શત શત નમન. નોંધનીય છે કે ઇન્દિરાનો જન્મ 19 નવેમ્બર 1917ના દિવસે અલાહાબાદમાં થયો હતો. એ ત્રણ વાર દેશના વડાપ્રધાન રહ્યા. 31 ઓક્ટોબર 1984ના દિવસે તેમના અંગરક્ષકોએ ગોળી મારીને તેમની હત્યા કરી નાંખી.