તમારા કામનું / હવે એરપોર્ટથી જ્યાં મન થાય ત્યાં જવા નિકળી જાવ, તમારો સામાન સહી સલામત ઘરે પહોંચી જશે

• એરપોર્ટ પર લાગશે ઓછો સમય
• એરલાઈન્સ ઈન્ડિગોએ carterPorter નામની કંપનીની સાથે ભાગીદારી કરી
• દિલ્હી, હૈદરાબાદ એરપોર્ટ પર ડોર ટુ ડોર બેગેઝ ટ્રાન્સફર

આ સમસ્યાનો ઉકેલ એક એરલાઈન્સે શોધી નાંખ્યો

ઓફિસના કામથી હવાઈ મુસાફરી કરનારા લોકોની સાથે મોટાભાગે એવું થાય છે કે તેમને એરપોર્ટથી સીધુ મિટીંગમાં જવું પડતું હોય છે. આ સમયે સાથે લાવવામાં આવેલી બેગ અનેક વાર ખટકવા માંડે છે. પરંતુ હવે આ સમસ્યાનો ઉકેલ એક એરલાઈન્સે શોધી નાંખ્યો છે.

દિલ્હી, હૈદરાબાદ એરપોર્ટ પર ડોર ટુ ડોર બેગેઝ ટ્રાન્સફર

ખાનગી ક્ષેત્રની એરલાઈન્સ ઈન્ડિગોએ carterPorter નામની કંપનીની સાથે ભાગીદારી કરી છે. આ કંપની ઈન્ડિંગોની સાથે પ્રવાસ કરનારા ગ્રાહકોએ ડોર-ટુ- ડોર બેગેજ ટ્રાન્સફરની સુવિધા આપશે. કંપની દિલ્હી અને હૈદરાબાદમાં ગુરુવારથી આ સેવા શરુ કરવામાં આવી છે. જલ્દી જ આને મુંબઈ અને બેંગ્લુરુમાંથી શરુ કરવામાં આવશે.

શું છે ઈન્ડિગોની ડોર ટુ ડોર બેગેજ ટ્રાન્સફર સેવા

ઈન્ડિયાના ચીફ સ્ટ્રેટેજી અને રેવેન્યૂ ઓફિસર સંજય કુમારે જણાવ્યું કે તેમની ડોર ટુ ડોર બેગેજ ટ્રાન્સફર સેવા તે પ્રવાસીઓ માટે રાહત ભરેલી રહેશે જે ઘરમાં એક્સ્ટ્રા બેગેજ લઈને પ્રવાસ કરવા ઈચ્છે છે. અથવા સીધા એરપોર્ટથી પોતાની ઓફિસ મીટિંગમાં જવા ઈચ્છે છે. કાર્ટર પોર્ટર પ્રવાસીના સામાનને તેમનો પ્રવાસ શરુ થતા પહેલા અંતિમ સ્થાન સુધી પહોંચાડી દેશે.

એરપોર્ટ પર લાગશે ઓછો સમય

કાર્ટર પોર્ટરના સીઈઓ હર્ષવર્ધને જણાવ્યું કે પ્રવાસીઓનો સામાન ઘરેથી જ પિક કરવાથી તેમને એરપોર્ટ પર ચેકઈન કાઉન્ટર અને સુરક્ષા તપાસમાં ઓછો સમય લાગશે. એટલું જ નહીં જો પ્રવાસી એરપોર્ટથી સીધો કામ પર જવા ઈચ્છે છે તો બેગેજ તેમના જણાવેલા ડેસ્ટિનેશન પર પહોંચી જશે એ પછી હોટેલ કે ઘરે કેમ ન હોય. સાથે સેવાની બુકિંગ કરવા માટે પ્રવાસીઓના બેગેજ ડિલિવરી ડાઉન્ટર પર રાહ નહીં જોવી પડે.

બસ આપવા પડશે આટલા રુપિયા

ઈન્ડિગોએ પોતાની આ સેવા માટે 6EBagport નામ આપ્યું છે. આ માટે પ્રવાસના સમયથી 24 કલાક પહેલા બુકિંગ કરાવવાની રહેશે. આ માટે પ્રવાસીઓ એક તરફના 630 રુપિયા ચૂકવવાના રહેશે.