એરલાઇન્સ કંપની ઈન્ડિગો ચાર દિવસનું સ્પેશિયલ 'વેલેન્ટાઇન સેલ' લઈને આવી છે. આ સેલમાં ટિકિટની કિંમત માત્ર 999 રૂપિયાથી શરૂ થાય છે. આ ટિકિટમાં દેશમાં ગમે ત્યાં મુસાફરી કરી શકાય છે. કંપનીએ કહ્યું છે કે તેણે ટિકિટો પર સેલની જાહેરાત કરીને વેલેન્ટાઇન ડેની ઉજવણી શરૂ કરી દીધી છે.
ઈન્ડિગો એરલાઈન્સની સ્પેશિયલ ઓફર
વેલેન્ટાઈન માટે આપી રહી છે ટિકિટો પર સેલ
ચાર દિવસ સુધી ચાલશે આ સેલ
કંપનીએ કહ્યું છે કે, 11 ફેબ્રુઆરીથી 14 ફેબ્રુઆરી સુધી ચાલનાર આ સેલ હેઠળ કુલ 10 લાખ સીટો માટે ટિકિટો વેચવામાં આવશે. સેલમાં ખરીદેલી ટિકિટો પર 1 માર્ચ 2020થી લઈ 30 સપ્ટેમ્બર 2020 સુધી યાત્રા કરી શકાશે.
ઈન્ડિગોના ચીફ કમર્શિયલ ઓફિસર વિલિયમ બૉઉલ્ટરે જણાવ્યું કે, અમે આજથી 14 ફેબ્રુઆરી સુધી ચાર દિવસીય સ્પેશિયલ સેલની જાહેરાત કરી છે. આ ઓફર થોડાં દિવસો પહેલાં જ વેલેન્ટિનની ઉજવણી શરૂ કરી દીધી છે. કોર્પોરેટ અને ગ્રાહકો કંપનીની સત્તાવાર વેબસાઇટ પરથી ટિકિટ ખરીદી શકે છે.