ભારતના સૌથી ધનવાન વ્યક્તિ મુકેશ અંબાણી આજે દાદા બની ગયા છે, અંબાણીના વહુ શ્લોકાએ પુત્રને જન્મ આપ્યો છે.
આકાશ અંબાણી અને શ્લોકાના ઘરે પુત્રનો જન્મ
મુકેશ-નીતા અંબાણી બન્યા દાદા-દાદી
અંબાણીના ઘરમાં ઘોડિયું બંધાયું :
આજે ભારતના સૌથી ધનવાન વ્યક્તિ મુકેશ અંબાણી અને નીતા અંબાણી દાદા બની ગયા છે. આજે સવારે 11 વાગ્યે મુંબઈમાં શ્લોકા મહેતાએ પુત્રને જન્મ આપ્યો.
ગયા વર્ષે કર્યા હતા લગ્ન
મુકેશ અંબાણી માટે આ વર્ષ ઘણું સારું રહ્યું છે ત્યારે 2020 જતા જતા તેમના માટે સૌથી સારા સમાચાર આવ્યા છે. અંબાણી પરિવારના ઘરમાં હવે નાના બાળકની કિલકારિયો સાંભળવા મળશે. ગયા વર્ષે માર્ચ મહિનામાં અંબાણીએ પોતાના દીકરા આકાશના લગ્ન શ્લોકા સાથે કરાવ્યા હતા અને તે લગ્નમાં ધૂમ ખર્ચો પણ કરવામાં આવ્યો હતો જેની આખી દુનિયાએ નોંધ લીધી હતી.
માતા બાળક બંને સ્વસ્થ
અંબાણી પરિવારે જણાવ્યું હતું કે માતા અને બાળકની તબિયત સારી છે અને પરિવારમાં નવા મહેમાનના આગમનથી પરિવારમાં ખુશીનો માહોલ છે.
2020 રહ્યું શુભ
નોંધનીય છે કે વર્ષ 2020 અંબાણી માટે ખૂબ ખાસ રહ્યું છે કારણ કે આ વર્ષમાં રિલાયન્સ ખૂબ તેજીમાં રહ્યું અને અંબાણીએ ઘણી બધી કંપની વેચીને લાખ કરોડ રૂપિયાની આવક પણ ઉભી કરી. અંબાણીએ ઘણા બધા બિઝનેસમાં પણ ઝંપલાવ્યું છે ત્યારે હવે તે દાદા બની જતા વધુ એક ખુશખબર અંબાણી પરિવારને મળી છે.