પાંચ રાજ્યોની ચૂંટણીની વચ્ચે સરકાર માટે માઠા સમાચાર છે. જાન્યુઆરીમાં છૂટક મોંઘવારી વધીને 6.01 ટકા થઈ છે જે ખરેખર ચિંતાનો વિષય છે.
પાંચ રાજ્યોની ચૂંટણીની વચ્ચે સરકાર માટે ખરાબ સમાચાર
સામાન્ય લોકોને સૌથી વધુ પરેશાન કરતી મોંઘવારી ફરી વધી
જાન્યુઆરીમાં છૂટક મોંઘવારી વધીને 6.01 ટકા થઈ
પાંચ રાજ્યોની વિધાનસભા ચૂંટણી દરમિયાન સરકાર માટે એક ખરાબ સમાચાર છે. સામાન્ય લોકોને સૌથી વધુ પરેશાન કરતી મોંઘવારી ફરી એકવાર વધી છે. બીજા તબક્કાના મતદાનના દિવસે સરકારે જાહેર કરેલા આંકડા દર્શાવે છે કે ફુગાવાનો દર વધીને 6.01 ટકા થયો છે. જાન્યુઆરીમાં રિટેલ ફુગાવો વધીને 6.01 ટકા ટકા થયો હતો, કારણ કે કેટલાક ખાદ્ય ઉત્પાદનો મોંઘા થયા હતા.
ડિસેમ્બર 2021માં છૂટક મોંઘવારી 5.66 ટકા હતી
ડિસેમ્બર 2021માં છૂટક મોંઘવારીનો દર 5.66 ટકા હતા પરંતુ હવે જાન્યુઆરી 2022માં તે વધીને 6.01 ટકા થયો છે આ રીતે જોવા જઈએ તો 0.31 ટકાનો વધારો છૂટક મોંઘવારીમાં થયો છે.
Retail inflation rises to 6.01% in January 2022 as against 5.66% in December 2021: Govt of India pic.twitter.com/4dBMpRVUfZ
ફુગાવો આરબીઆઈની અપેક્ષાથી વધુ
રિટેલ ફુગાવાનું આ સ્તર રિઝર્વ બેન્ક ઓફ ઇન્ડિયા (આરબીઆઇ)ના સંતોષકારક માપદંડથી ઉપર છે. ડિસેમ્બર 2021 માં કન્ઝ્યુમર પ્રાઇસ ઇન્ડેક્સ (સીપીઆઈ) આધારિત ફુગાવાનો દર 5.66 ટકા અને જાન્યુઆરી 2022 માં 4.06 ટકા હતો. નેશનલ સ્ટેટિસ્ટિકલ ઓફિસ (એનએસઓ) દ્વારા સોમવારે જાહેર કરવામાં આવેલા આંકડા મુજબ જાન્યુઆરી 2022માં ખાદ્ય ઉત્પાદનોની મોંઘવારી દર 5.43 ટકા રહ્યો હતો, જે અગાઉના મહિનામાં 4.05 ટકા હતી.
રિટેલ ફુગાવાને 4 ટકા પર રાખવાનો પડકાર
રિઝર્વ બેન્ક ઓફ ઇન્ડિયા નાણાકીય નીતિને ધ્યાનમાં લેતી વખતે મુખ્યત્વે કન્ઝ્યુમર પ્રાઇસ ઇન્ડેક્સ આધારિત ફુગાવા (સીપીઆઇ) તરફ ધ્યાન આપે છે. સરકારે ૨ ટકાની વધ-ઘટ સાથે રિટેલ ફુગાવાનો દર ૪ ટકા રાખવાની જવાબદારી સેન્ટ્રલ બેન્કને આપી છે. જણાવી દઈએ કે ઉત્તર પ્રદેશ, પંજાબ, ઉત્તરાખંડ, મણિપુર અને ગોવાની ચૂંટણીમાં વિપક્ષી દળના નેતા વધતી મોંઘવારીના મુદ્દે ભાજપને ઘેરી રહ્યા છે.
કેન્દ્ર સરકારે ક્રૂડ પામ ઓઇલ પર સેસ ઘટાડ્યો
વધતી મોંઘવારીના પગલે કેન્દ્ર સરકારે ક્રૂડ પામ ઓઇલ (સીપીઓ) પર ફાર્મ સેસમાં કાપ મૂકવાની જાહેરાત કરી છે. કન્ઝ્યુમર અફેર્સ, ફૂડ એન્ડ પબ્લિક ડિસ્ટ્રીબ્યુશન સિસ્ટમ મંત્રાલયે સોમવારે ક્રૂડ પામ ઓઇલ પર કૃષિ સેસ ઘટાડીને 5 ટકા કરવાની જાહેરાત કરી છે. આ પહેલા કાચા તેલ પર 7.5 ટકા એગ્રીકલ્ચર સેસ આપવો પડતો હતો. આ ઘટાડો 12 ફેબ્રુઆરીથી લાગુ પડશે.
રિફાઇન્ડ પામ ઓઇલની આયાત વધી
અત્રે ઉલ્લેખનીય રહેશે કે ક્રૂડ પામ ઓઇલ પર સબ ટેક્સ પર સેસ ઘટાડતા પહેલા તેની આયાતમાં વધારો થયો હતો. ટેક્સમાં ઘટાડો કરવામાં આવ્યો તે પહેલા ક્રૂડ પામ ઓઇલ અને રિફાઇન્ડ પામ ઓઇલ વચ્ચે આયાત ગેપ વધીને 8.25 ટકા થઇ ગયો હતો. જેને જોતા સરકારે ક્રૂડ પામ ઓઈલ પર સેસમાં 2.5 ટકા કાપની જાહેરાત કરી છે.