જો બીજા બધા દેશોની સરખામણી કરીએ તો અમેરિકાએ જ્યારે વેકસીનેશન શરૂ કર્યું ત્યારે ઘણા દેશો પાસે કોઈ વેક્સિન તૈયાર પણ ન્હોતી.
અમેરિકાએ જ્યારે વેકસીનેશન ઓપરેશન શરૂ કર્યું ત્યારે તો ભારત પાસે વેક્સિન પણ નહોતી
બીજા રાજ્યો હવે ગ્લોબલ ટેન્ડર દ્વારા બીજા દેશ પાસેથી વેક્સિન મંગાઈ રહ્યા છે
ઝાયડસ જેવી કંપનીઓ વેક્સિનનું ઉત્પાદન કરી શકે તેમ છે
અમેરિકાએ જ્યારે વેકસીનેશન ઓપરેશન શરૂ કર્યું ત્યારે તો ભારત પાસે વેક્સિન પણ નહોતી
અમેરિકાએ જ્યારે પોતાના નાગરિકોને વેક્સિન આપવા માટે એક મોટું ઓપરેશન હાથ ધર્યું હતું, જે "ઓપરેશન વાર્પ સ્પીડ" માર્ચ 2020માં શરૂ કર્યું હતું. પણ ત્યારે કોઈ વેક્સિન તૈયાર હતી નહીં. ભારતની વાત કરીએ તો ભારતે તે સમયે વેક્સિન માટેની ટ્રાયલ માટેની મંજૂરી પણ નહોતી આપી કે પછી બીજા દેશને વેક્સિનના ઉત્પાદન માટેના ઓર્ડર પણ કર્યા ન્હોતા. ભારતે બીજા દેશો પાસેથી વેક્સિન લેવામાં ઘણું મોડું કર્યું અને હવે ભારત પાસે ઘણા ઓછા વિકલ્પો બચ્યા છે. આ વાત વૈજ્ઞાનિક ડૉક્ટર ગગનદીપ કાંગ દ્વારા કહેવામાં આવી. ડૉક્ટર કાંગ કોર્ટ દ્વારા બનાવવામાં આવેલ મેડિકલ ઑક્સીજન સમિતિના સભ્ય પણ છે.
બીજા રાજ્યો હવે ગ્લોબલ ટેન્ડર દ્વારા બીજા દેશ પાસેથી વેક્સિન મંગાઈ રહ્યા છે
કાંગે જણાવ્યું છે કે આખી દુનિયા જોખમ લઈને વેક્સિન ભેગી કરવામાં લાગી ગઈ હતી, તેથી હવે બીજા દેશો પાસે કેટલી વેક્સિન બચી તે જાણ્યા વિના હવે આપણ વેક્સિન ખરીદવા નીકળ્યા છીએ. તેમણે આપેલું આ નિવેદન એવ સમય પર આવ્યું જ્યારે હવે રાજ્ય સરકાર પણ ગ્લોબલ ટેન્ડર મારફતે વેક્સિન લેવા જઈ રહ્યું છે. મહારાષ્ટ્ર, દિલ્હી, ઉત્તર પ્રદેશ જેવા ઘણા રાજ્યો આ પ્રક્રિયામાં કરી રહ્યા છે. આ રાજ્યો હવે કોરોનાની ત્રીજી લહેર સામે લડવા માટે અત્યારથી જ તૈયારી કરવામાં લાગી ગયા છે. ઘણા રાજ્યોમાં અછતને કારણે સેન્ટરો પણ બંધ કરવા પડ્યા છે.
ઝાયડસ જેવી કંપનીઓ વેક્સિનનું ઉત્પાદન કરી શકે તેમ છે
વધુમાં તેમણે સલાહ આપતા કહ્યું છે કે તમે ઝાયડસ, બાયોલોજિકલ-ઇ જેવી કંપનીઓ પાસે જઈ શકો છો, જેમની વેક્સિન આ વર્ષના અંત સુધીમાં આવવાની છે. તમે તે લોકોને ઝડપથી વેક્સિન લાવવા માટે પણ કહી શકો છો. તમે તે કંપનીઓને ભાર દઈને કહી શકો છો કે ઉત્પાદનની ઝડપ વધારો, વધુમાં વધુ વેક્સિન ઉત્તપન્ન કરો, જો તમારી ટ્રાયલ સફળ રહી તો અમે બધી જ વેક્સિન ખરીદી લઈશું. આ રીતે જ આપણે વધુ વેક્સિન મેળવી શકીશું. ડોકટર કાંગ રોયલ સોસાયટીની ફેલો બનવા વાળા પહેલા ભારતીય મહિલા છે. તેમણે કહ્યું કે આપણે આવું જોખમ લેવું જ પડશે.