BIG NEWS / ભારતની સ્ટાર બોલરે ક્રિકેટ જગતને કહ્યું અલવિદા, લોર્ડ્સમાં છેલ્લી મેચ બાદ લેશે સંન્યાસ 

• ભારતની સ્ટાર બોલર ઝૂલણ ગોસ્વામીએ ક્રિકેટ જગતને કહ્યું અલવિદા
• ઝૂલણ 24 સપ્ટેમ્બરે લોર્ડ્સમાં ઇંગ્લેન્ડ સામે છેલ્લી વનડે રમશે
• મહિલા વનડે વર્લ્ડ કપમાં સૌથી વધુ વિકેટ લેવાનો રેકોર્ડ પણ ઝૂલણ ગોસ્વામીના નામે 

ભારતની મહિલા ક્રિકેટ ટીમને લઈ એક મોટા સમાચાર સામે આવ્યા છે. દેશની મહાન ઝડપી બોલર ઝૂલણ ગોસ્વામીએ આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી છે. ઝૂલણ 24 સપ્ટેમ્બરે લોર્ડ્સમાં ઇંગ્લેન્ડ સામે છેલ્લી વનડે રમશે. ઝૂલણ ગોસ્વામી મહિલા વનડેમાં સૌથી વધુ વિકેટ લેનાર બોલર છે. તેણે 201 મેચમાં 252 વિકેટ લીધી છે. આ સાથે જ મહિલા વનડે વર્લ્ડ કપમાં સૌથી વધુ વિકેટ લેવાનો રેકોર્ડ પણ તેના નામે છે. તેણે વર્લ્ડ કપની 34 મેચમાં 43 વિકેટ લીધી છે. તેણે વર્લ્ડ કપમાં બે વખત 4 વિકેટ લેવાની સિદ્ધિ મેળવી છે. 39 વર્ષીય ઝૂલણને ઈંગ્લેન્ડ સામેની ODI શ્રેણી માટે ભારતીય ટીમમાં પસંદ કરવામાં આવી છે. જોકે, તે કોમનવેલ્થ ગેમ્સ માટે ભારતીય T20 ટીમનો ભાગ નહોતો. યુવાનોને તક આપવા માટે ઝુલને નિવૃત્તિ લેવાનો નિર્ણય લીધો છે.

ઝૂલણે આ વર્ષે માર્ચમાં ભારત માટે છેલ્લી મેચ રમી હતી. ત્યારબાદ તેણે ન્યુઝીલેન્ડમાં યોજાયેલા મહિલા વર્લ્ડ કપમાં બાંગ્લાદેશ સામેની મેચમાં પ્રવેશ કર્યો હતો. આ મેચમાં તેણે 19 રન આપીને 2 વિકેટ ઝડપી હતી.

ભારતની સ્ટાર ફાસ્ટ બોલર ઝૂલણ ગોસ્વામીએ ઈન્ટરનેશનલ ક્રિકેટમાંથી સંન્યાસનું કર્યું એલાન, લોર્ડ્સમાં રમશે છેલ્લી વનડે

— VTV Gujarati News and Beyond (@VtvGujarati) August 20, 2022

બીસીસીઆઈ આ વર્લ્ડ કપ પછી જ ઝૂલણને વિદાય આપવા માંગતી હતી. પરંતુ, ઈજાના કારણે તે દક્ષિણ આફ્રિકા સામેની છેલ્લી લીગ મેચમાં પ્રવેશી શકી ન હતી. ત્યારથી તેની વિદાય મેચની રાહ જોવાઈ રહી છે. તેણે છેલ્લે 2018માં ભારત માટે T20 રમી હતી. તેણે તેની છેલ્લી ટેસ્ટ મેચ ઓક્ટોબર 2021માં રમી હતી.

જુલાઈમાં શ્રીલંકા પ્રવાસ માટે પણ ઝૂલણની પસંદગી થવાની હતી. પરંતુ તે આ શ્રેણી માટે સંપૂર્ણ રીતે ફિટ નહોતી. જુલાઈના છેલ્લા અઠવાડિયામાં તે ફિટ થઈ ગઈ હતી. આ પછી કોમનવેલ્થ ગેમ્સ T20 ફોર્મેટમાં યોજાવાની હતી અને ઝૂલણ 4 વર્ષથી T20 રમી રહી નથી. આ કારણે તેને ઈંગ્લેન્ડ સામેની શ્રેણીમાં તક આપવામાં આવી હતી.