ભારતમાં હજારો રેલવે સ્ટેશન છે જ્યાં રોજ લાખો લોકો સફર કરે છે. આ રેલવે સ્ટેશનનું નામ સાંભળીને લોકો ત્યાં જવા તૈયાર થતા નથી.
ભારતના હોન્ટેડ રેલવે સ્ટેશન
યુપીમાં આવેલુ છે એક ડરાવણુ સ્ટેશન
ન્યાય માટે આત્માઓ ભમતી રહે છે
કેટલાક રેલવે સ્ટેશન ખુબ સુંદર હોય છે અને કેટલાક રેલવે સ્ટેશન હાઇટેક હોય છે પરંતુ આ રેલવે સ્ટેશન હોન્ટેડ છે. અહી જવુ લોકો માટે મજબૂરી છે પરંતુ થોડી વારમાં જ તમારા રુંવાડા ઉભા થઇ જાય તેવા સન્નાટાથી બીક લાગવા માંડે છે.
ઉત્તરપ્રદેશના પ્રયાગરાજમાં સ્થિત નૈની જંક્શન રેલવે સ્ટેશનને ભૂતિયા રેલવે સ્ટેશન કહેવામાં આવે છે. રેલવે સ્ટેશન નજીક જેલ છે અને આ જેલમાં દેશને આઝાદી અપાવવામાં સામેલ તેવા ક્રાન્તિકારીઓને રાખવામાં આવ્યા હતા અને તેમણે ઘણી યાતનાઓનો સામનો કરવો પડ્યો હતો. જેલમાં બંધ આ લોકો યાતનાઓના કારણે જ મૃત્યુ પામ્યા હતા. કહેવામાં આવે છે કે આ રેલવે સ્ટેશન પર આત્માઓ ફરે છે.
મૂલુંડ રેલવે સ્ટેશન
મહારાષ્ટ્રની રાજધાની મુંબઇમાં સ્થિત મુલુંડ રેલવે સ્ટેશન દેશના ભૂતિયા રેલવે સ્ટેશન તરીકે ઓળખાય છે. આ રેલવે સ્ટેશન પર આવતા લોકો અને આસપાસના લોકોએ દાવો કર્યો છે કે અહી લોકોના રડવાનો અને ચીસો પાડવાના અવાજ સંભળાય છે.
ચિત્તુર રેલવે સ્ટેશન
દેશના સૌથી ડરામણા સ્ટેશનમાં આંધ્ર પ્રદેશના ચિત્તૂર જિલ્લામાં સ્થિત ચિત્તુર રેલવે સ્ટેશનનો પણ સમાવેશ થાય છે. લોકોનું કહેવુ છે કે અહીં એક વાર CRPFનો જવાન હરી સિંહ ટ્રેનમાંથી ઉતર્યો હતો અને ટીટીઇએ મળીને તેને પીટ્યો જેથી તેની મોત થઇ ગઇ હતી. જે બાદ હરિ સિંહની આત્મા ન્યાય માટે ત્યાં જ ભટકતી રહી છે.
પશ્ચિમ બંગાળના પુરુલિયા જિલ્લામાં સ્થિત બેગુનકોદર રેલવે સ્ટેશનની એક કહાણી છે જેમાં કહેવામાં આવે છે કે અહીં આવનારા યાત્રીઓએ સફેદ સાડી પહેરેલી એક ભૂતને જોઇ હતી અને તે બાદ 42 વર્ષો સુધી તે સ્ટેશનને બંધ કરવામાં આવ્યુ હતુ. 2009માં એકવાર ફરી ખોલી દેવામાં આવ્યુ હતુ.