BIG NEWS / ભારતના ઋષિ બનશે બ્રિટેનના પીએમ ? વીડિયો જાહેર કરીને પ્રધાનમંત્રી પદ માટે દાવેદારી નોંધાવી, ચૂંટણી પ્રચાર શરૂ કર્યો

• બ્રિટેનના પીએમ પદ માટે ભારતીય મૂળના ઋષિએ દાવેદારી નોંધાવી
• ટ્વિટ કરીને વીડિયો દ્વારા ચૂંટણી પ્રચાર શરૂ કર્યો
• રેસમાં સૌથી આગળ છે ઋષિ સુનક

બોરિસ જોનસનના રાજીનામા બાદ બ્રિટેનના આગામી પ્રધાનમંત્રી તરીકે ઋષિ સુનકનું નામ સૌથી આગળ ચાલી રહ્યું છે. બ્રિટેનના પ્રધાનમંત્રીની રેસમાં સૌથી આગળ ચાલી રહેલા ઋષિ સુનકે ટ્વિટ કરીને એક વીડિયો જાહેર કર્યો છે. આ વીડિયોની સાથે તેમણે લખ્યું છે કે, હું કંઝર્વેટિવ પાર્ટીનો આગામી નેતા અને આપનો પ્રધાનમંત્રી બનવા માટે ઊભો છું. આવો વિશ્વાસ મત પ્રસ્તાપિત કરીએ.અર્થવ્યવસ્થાનું પુનર્નિમાણ કરીએ અને દેશને ફરીથી જોડીએ. જો ઋષિ સુનક બ્રિટેનના પીએમ બને છે તો, તે પહેલા ભારતીય મૂળના વ્યક્તિ હશે.

I’m standing to be the next leader of the Conservative Party and your Prime Minister.

Let’s restore trust, rebuild the economy and reunite the country. #Ready4Rishi

Sign up 👉 https://t.co/KKucZTV7N1 pic.twitter.com/LldqjLRSgF

— Ready For Rishi (@RishiSunak) July 8, 2022

સુનકે ટ્વિટર પર ચૂંટણી અભિયાનની શરૂઆત કરતા વીડિયોમાં કહ્યું કે, વ્યક્તિએ પ્રસંગની આવશ્યકતાઓને સમજીને યોગ્ય નિર્ણય લેવો પડશે.એટલા માટે હું કંઝર્વેટિવ પાર્ટીના આગામી નેતા અને આપના પ્રધાનમંત્રી બનવા માટે ઊભો છું. ઋષિ સુનકના દાદા દાદી પંજાબથી આવ્યા હતા. તેમણે વીડિયોમાં કહ્યું હતું કે, પરિવાર તેમના માટે બધું છે. તેઓ દેશનો વિકાસ કરવા માગે છે અને તેને ઉત્તમ ભવિષ્ય તરફ લઈ જવા માગે છે.આપને જણાવી દઈએ તે, સુનકે વીડિયો દ્વારા પોતાની જીંદગીની આખી સફર બ્રિટેનની જનતા સામે શેર કરી છે. 

પ્રસંગની આવશ્યકતાઓને સમજીને યોગ્ય નિર્ણય લેવો પડશે

ઋષિ સુનક ભારતીય મૂળના બ્રિટિશ નેતા છે. તેમના માતા-પિતા ભારતીય છે. 12 મે 1980માં જન્મેલા ઋષિ સુનક બ્રિટેનમાં કંઝર્વેટિવ પાર્ટીના મેમ્બર છે. તેમને બ્રિટેનના આગામી પ્રધાનમંત્રી તરીકે જોવામાં આવે છે. તેમણે 2020માં નાણામંત્રીનો કાર્યભાર સંભાળ્યો હતો. આ અગાઉ 2019થી 2020 સુધી ઋષિ ટ્રેજરીના મુખ્ય સચિવ પણ રહી ચુક્યા છે. ઋષિ સુનક ભણવામાં હંમેશા હોંશિયાર રહ્યા છે. તેમણે વિનચેસ્ટર કોલેજમાંથી અભ્યાસ કર્યો અને બાદમાં લિંકન કોલેજ, ઓક્સફોર્ડમાં દર્શનશાસ્ત્ર, રાજનીતિ અને અર્થશાસ્ત્રમાં અભ્યાસ કર્યો. ઋષિ સુનકે ત્યાર બાદ સ્ટેનફોર્ડ યુનિવર્સિટીમાંથી એમબીએ પણ કરેલું છે.